Lex Coffee (已結業)

去咗間藝術感幾重嘅餐廳食飯，樓底高，入面充滿文藝氣息，放滿藝術品，食完飯仲可以去附近海濱長廊散步 蟹肉蟹籽芒果沙律 $128沙律菜爽脆，蟹肉食到鮮味，芒果帶酸甜味，配搭有咬口嘅蟹籽，入口多重口感，好清新 虎蝦意粉 $178一份有2隻已去殼虎蝦，爽口彈牙，意粉好掛汁，軟硬適中，入口帶蕃茄味同蒜香味，配菜有少量蕃茄仔 招牌安格斯高級肉眼牛扒（10盎司）$218塊扒煎得幾靚，牛扒簡單用鹽同黑胡椒調味已經好夠味，不需要額外點醬，入口有牛味帶少許油脂香，配埋半粒蒜頭花，陣陣蒜香味，果然係招牌，推介