影片
更多
2023-12-26
49 瀏覽
平時見到上網啲人post呢間餐廳好靚，一直都好想嚟，今日終於帶咗老公一齊過嚟啦🥰上到去見到個裝修好夢幻好似係夢境入面咁，然後行去個位嘅時候見到個籠，就問下店員，原來佢有隻小兔兔，想講勁！得！意！雖然唔抱得但係佢好乖咁坐係度比你打卡，好qq！淨係同兔仔影相都影左十分鐘🐇之後就睇下個餐牌，見到佢個二人豬餐性價比幾高就叫左試下。首先係個餐湯，都幾足料，有大量嘅菜粒，夠味應唔會太濃，不過不失。之後就係個慢煮豬肋骨，勁大份，一咬落去啲肉係完全甩骨，好高水準。個醬唔會太酸太咸啱啱好，想講係暫時食過最好食嘅豬肋骨。個底配有炸薯條，連埋啲汁食真係好正。😋😋😋然後就係意粉，我哋叫咗黑松露野菌忌廉意粉。佢個忌廉汁唔會好漏，覺得幾好，唔似平時嗰啲食幾啖就滯左。個汁都有黑松露味道，唔係得個名。成個餐份量都好足夠，唔會話因為叫餐而減份量。成晚就係呢一個咁少女風嘅環境用餐，真係好滿足。走嘅時候仲見到餐廳係聽障友善僱主，覺得餐廳嘅理念好好，絕對會encore!
上到去見到個裝修好夢幻好似係夢境入面咁，然後行去個位嘅時候見到個籠，就問下店員，原來佢有隻小兔兔，想講勁！得！意！雖然唔抱得但係佢好乖咁坐係度比你打卡，好qq！淨係同兔仔影相都影左十分鐘🐇
之後就睇下個餐牌，見到佢個二人豬餐性價比幾高就叫左試下。
首先係個餐湯，都幾足料，有大量嘅菜粒，夠味應唔會太濃，不過不失。
之後就係個慢煮豬肋骨，勁大份，一咬落去啲肉係完全甩骨，好高水準。個醬唔會太酸太咸啱啱好，想講係暫時食過最好食嘅豬肋骨。個底配有炸薯條，連埋啲汁食真係好正。😋😋😋
然後就係意粉，我哋叫咗黑松露野菌忌廉意粉。佢個忌廉汁唔會好漏，覺得幾好，唔似平時嗰啲食幾啖就滯左。個汁都有黑松露味道，唔係得個名。
成個餐份量都好足夠，唔會話因為叫餐而減份量。成晚就係呢一個咁少女風嘅環境用餐，真係好滿足。走嘅時候仲見到餐廳係聽障友善僱主，覺得餐廳嘅理念好好，絕對會encore!
張貼
