王家沙．花樣年華 (K11 Musea) (已結業)

K11 Musea 開左間二合一概念店，係「王家沙花樣年華 x 喫麵」，食晏又多個選擇.招牌蟹粉小籠包 $78一籠5隻，咬一啖d蟹膏湯湧出來，咸鮮甜味濃，小籠包皮又薄.老壇酸菜鱸魚片 $228好大盤酸菜魚！鱸魚片肉嫩冇骨，湯底酸度剛好，而薯粉吸收左湯既精華，亦都出色.杭式蔥油拌麵 $58唔好睇小簡簡單單一碗拌麵，麵條彈牙、蔥油好香.蒜泥白肉 $78用五花肉薄片包住青瓜絲，一口一舊，肉鬆軟青瓜爽脆富層次感，加埋惹味蒜泥辣醬油.皮蛋豆腐 $52蒜泥白肉重口味，呢款小食就剛好相反，嫩豆腐清香、加上脆脆肉鬆同皮蛋幼粒，入口係舒服感覺