忠孝東路

營業中

休息中

見好耐冇食台灣菜，今日同事帶咗我過嚟iSQUARE食忠考東路。呢度有lunch set，價錢中等，而且唔使加一。既然食台灣菜，梗係試吓佢個滷肉飯啦！lunch set配小食同飲品，小食我就揀咗涼拌酸辣貓耳朵，而飲品就係熱台式奶茶。講返個滷肉飯先，煙煙韌韌嘅珍珠米上加上滷肉、溏心蛋，再配上酸菜同炸蒜。酸菜同炸蒜可以中和滷肉飯嘅油膩，又增加咗滷肉飯嘅層次同口感⋯隻溏心蛋幾好食，入味又唔老。雖然滷肉飯個味道唔錯，但略嫌豬肉偏瘦。涼拌辣貓耳呢個都幾開胃，但辣咗少少，如果唔食得辣嘅朋友仔，就要留意⋯總結，呢間忠考東路食物味道都唔錯，下次可以試埋其他嘢。