影片
更多
2019-06-11
134 瀏覽
今晚去左位於銅鑼灣呢間日本餐廳食磯燒海鮮大餐｡超級日式嘅佈置, 室內每個角落都掛左極具日本元素嘅裝飾, 而且仲有 Tatami 座位｡每張枱都會有個火爐｡焱丸海鮮沙律唔可以睇少嘅沙律, 材料非常新鮮豐富, 有熟蝦、三文魚、吞拿魚、油甘魚、青瓜、黃椒、車厘茄 & 沙律菜 … 所有食材都切到細細粒, 方便入口, 另配有柚子醋｡關脇3點盛 + 甜蝦刺身3點盛有三文魚、帶子 & 油甘魚刺身, 每款都有 3 件｡ 乳白色嘅帶子, 口感柔軟, 味道鮮甜濃郁｡白中透紅嘅油甘魚, 肉質清爽, 魚油香味濃, 入口唔膩｡ 紅白魚紋清晰嘅三文魚, 肉質嫩滑, 魚油同樣豐富｡甜蝦刺身有 5 隻, 每隻嘅 Size 都幾大, 唔係平時食到好幼身嗰款｡ 味道鮮嫩香甜, 口感黏黏哋, 膠質豐富｡海老天婦羅脆漿唔會好厚, 海老大大隻有 5 條, 香口酥脆, 肉質夠爽彈, 另外仲有秋葵天婦羅 & 蕃薯天婦羅｡黑松露蟹肉甲羅燒 & 焱丸蟹噌甲羅燒甲羅燒即係用味噌醃製過嘅蟹膏, 加上蟹肉、蟹籽、生鵪鶉蛋 & 香蔥一齊放係蟹蓋上燒, 而兩款甲羅燒嘅分別係一個原味, 另一個加多左黑松露｡店員會先將所有材料撈勻, 然後放上火爐燒
超級日式嘅佈置, 室內每個角落都掛左極具日本元素嘅裝飾, 而且仲有 Tatami 座位｡
每張枱都會有個火爐｡
焱丸海鮮沙律
唔可以睇少嘅沙律, 材料非常新鮮豐富, 有熟蝦、三文魚、吞拿魚、油甘魚、青瓜、黃椒、車厘茄 & 沙律菜 … 所有食材都切到細細粒, 方便入口, 另配有柚子醋｡
關脇3點盛 + 甜蝦刺身
3點盛有三文魚、帶子 & 油甘魚刺身, 每款都有 3 件｡ 乳白色嘅帶子, 口感柔軟, 味道鮮甜濃郁｡白中透紅嘅油甘魚, 肉質清爽, 魚油香味濃, 入口唔膩｡ 紅白魚紋清晰嘅三文魚, 肉質嫩滑, 魚油同樣豐富｡
甜蝦刺身有 5 隻, 每隻嘅 Size 都幾大, 唔係平時食到好幼身嗰款｡ 味道鮮嫩香甜, 口感黏黏哋, 膠質豐富｡
海老天婦羅
脆漿唔會好厚, 海老大大隻有 5 條, 香口酥脆, 肉質夠爽彈, 另外仲有秋葵天婦羅 & 蕃薯天婦羅｡
黑松露蟹肉甲羅燒 & 焱丸蟹噌甲羅燒
甲羅燒即係用味噌醃製過嘅蟹膏, 加上蟹肉、蟹籽、生鵪鶉蛋 & 香蔥一齊放係蟹蓋上燒, 而兩款甲羅燒嘅分別係一個原味, 另一個加多左黑松露｡
店員會先將所有材料撈勻, 然後放上火爐燒, 一路燒一路攪, 直至蟹膏煮到杰身, 蟹籽由橙色轉為白色就食得｡
蟹膏整整擠滿晒成個蟹蓋, 口感軟滑甘醇, 味道非常濃郁, 而黑松露甲羅燒令成個蟹膏嘅味道再更加濃｡
白蜆殼燒
黎自深海嘅白蜆, 燒到開口後再加入左清酒一齊燒｡
白蜆肉質飽滿, 味道超鮮, 仲有淡淡嘅海水咸味, 而且一粒沙都冇｡
芝士魚旦
魚旦加芝士呢個組合通常都只係會喺火鍋店見到, 估唔到今晚可以用黎磯燒｡
三角形嘅魚旦中間夾住芝士, 擺喺火爐上燒至微微金黃色, 芝士燒到半溶狀態就 OK, 味道唔洗講緊係正啦 !!
巨峰乳酸
巨峰味重, 帶有乳酸嘅甜甜酸酸,非常開胃嘅特飲｡
張貼
