影片
更多
2019-09-30
1499 瀏覽
肥妹仔周不時都會去粉嶺嗰邊做嘢，今次喺粉嶺做完嘢嗰邊都已經好晏，於是就約埋肥爸肥媽咪家姐一齊喺粉嶺一間新開嘅西餐廳度食晚飯。牛油果蟹肉沙律 $128我相信如果唔係有蟹肉嘅話我哋係唔會叫沙律。呢一個蟹肉沙律蟹肉好多，撈埋牛油果一齊食好豐富，好香牛油果味。 沙律菜好新鮮，唔會出水，個汁酸酸甜甜，好正。香草白酒忌廉煮蜆伴法包 $168肥家姐至愛!肥家姐強烈要求要叫嘅，果然冇令我哋失望!佢呢一個白酒忌廉煮蜆好好食，佢個忌廉好香濃，好滑，蜆肉好大隻，點法包好好食。肥妹仔爭啲有衝動叫一籃法包齋佢點呢個醬食。加拿大天然無激素穀飼豬 $208呢一個係肥妹仔叫嘅!呢個豬唔錯，豬嘅肉味好濃，不過肥妹仔就覺得佢嘅肉質比較柴咗少少，如果冇咁柴應該會好好食。而且佢嘅伴碟好靚，上到枱嘅時候肥爸肥媽同肥家姐都嘩咗一聲!法式寶雲酥 羊架 $248肥爸好鍾意食羊架，所以我哋都叫咗一個羊架畀佢試下。呢個羊架好好食，羊騷味唔濃，但係應有嘅都有!而且肉質好嫩滑，咬落去好香羊嘅味道，肥妹仔一讚。美國prime肉眼扒七成熟 $298毫無驚喜地都係肥爸叫嘅，肉眼扒唔錯，牛味幾濃，而且肉質都算嫩滑，廚師煮得剛剛好。帶子鮮蝦墨
肥妹仔周不時都會去粉嶺嗰邊做嘢，今次喺粉嶺做完嘢嗰邊都已經好晏，於是就約埋肥爸肥媽咪家姐一齊喺粉嶺一間新開嘅西餐廳度食晚飯。
牛油果蟹肉沙律 $128
我相信如果唔係有蟹肉嘅話我哋係唔會叫沙律。呢一個蟹肉沙律蟹肉好多，撈埋牛油果一齊食好豐富，好香牛油果味。 沙律菜好新鮮，唔會出水，個汁酸酸甜甜，好正。
香草白酒忌廉煮蜆伴法包 $168
肥家姐至愛!肥家姐強烈要求要叫嘅，果然冇令我哋失望!佢呢一個白酒忌廉煮蜆好好食，佢個忌廉好香濃，好滑，蜆肉好大隻，點法包好好食。肥妹仔爭啲有衝動叫一籃法包齋佢點呢個醬食。
加拿大天然無激素穀飼豬 $208
呢一個係肥妹仔叫嘅!呢個豬唔錯，豬嘅肉味好濃，不過肥妹仔就覺得佢嘅肉質比較柴咗少少，如果冇咁柴應該會好好食。而且佢嘅伴碟好靚，上到枱嘅時候肥爸肥媽同肥家姐都嘩咗一聲!
法式寶雲酥 羊架 $248
肥爸好鍾意食羊架，所以我哋都叫咗一個羊架畀佢試下。呢個羊架好好食，羊騷味唔濃，但係應有嘅都有!而且肉質好嫩滑，咬落去好香羊嘅味道，肥妹仔一讚。
美國prime肉眼扒七成熟 $298
毫無驚喜地都係肥爸叫嘅，肉眼扒唔錯，牛味幾濃，而且肉質都算嫩滑，廚師煮得剛剛好。
帶子鮮蝦墨魚麵配香草忌廉汁 $148
不得了，呢一個意粉超好食!其實佢呢度嘅香草忌廉汁真係做得唔錯，而且佢嘅墨魚麵好有咬口呀，帶仔同鮮蝦好新鮮，爽口彈牙，好好食。
凍奶茶 $32
鮮奶咖啡$40
肥媽叫嘅鮮奶咖啡，個花拉得好靚，咖啡好香濃。
張貼
