一鍋堂 (XX Arcade) (已結業)

又去一鍋堂打邊爐喇，對於生酮嘅人真係最好選擇，可以肆無忌憚地盡情食飽飽。好彩早左行過黎，未到7點已經開始多人要等一陣，遲多少少就唔知等幾耐。呢排天氣真係熱到不得了，入到黎涼浸浸，冷氣夠大，勁舒服呀。環境夠光，乾淨企理，座位闊落，係我喜歡黎嘅原因。第二個原因係有特色湯底，平時嘅芫荽皮蛋／番茄魚湯／沙嗲湯底喺屋企食就可以，但特色嘅真係要出街先試到。喇沙、冬陰公、沙參肉竹鯊魚骨、潮汕湯等，花多眼亂，入場時店員會問要咩湯底先，所以早d諗定。我地今次試冬陰公配胡椒豬肚湯，之前一直想試但驚古怪，但出黎感覺絕對係夾。胡椒豬肚湯，奶白色嘅湯底，濃郁鮮香，美味又養胃，適合放蔬菜同菇菌類。冬陰公湯帶有辣辣酸酸嘅鮮香味道，超喜歡香茅、姜、檸檬嘅味道，未放料前飲下啖湯真係好正，香濃好味，呢邊放肉肉就最正，索晒d味道。店內設有自助區，有熱食，前菜；同埋有幾個大雪櫃，多款飲品同蔬菜。仲有雪糕機，調味料區，任君選擇。飲品雪櫃好大，而且有d自家製飲品。另外仲設有雪櫃放蔬菜，有好多種類嘅新鮮蔬菜提供。美國安格斯牛肉、封門柳、肩胛肉眼等，全部都肉質鮮嫩，油脂均勻，牛味香濃超好食，夠嫩又好重牛肉味，食過返尋味。牛脷心托超好