Home A Day

今晚收工食埋晚飯先走，去左上環港鐵站附近既cafe叫Home A Day食，呢度餐牌有前菜，沙律，主菜，餐湯，海南雞飯，薄餅，漢堡，意粉，吉列咖喱，蛋包飯，荷葉飯，炒飯，甜品，好多元化。飲品有咖啡，凍飲，特飲，茶等。

1

無骨海南雞飯伴胭脂蘿蔔和鮮雪耳濃雞湯 $108 另加一

無骨海南雞飯

$108

呢個無骨海南雞飯係招牌菜式，第一次黎當然要試試。原來有特製玻璃碟裝住，賣相精緻。海南雞一共8件，有胸有翼有脾，大部分都係髀，肉質嫩滑，雞皮有彈性，我鍾意點甜豉油。

無骨海南雞飯

$108

三色醬當然有甜豉油，薑蓉同酸辣醬。

無骨海南雞飯

$108

油飯好香椰子味，味道好好，又夠乾身。

無骨海南雞飯

$108

伴有中華沙律同捲得靚靚既胭脂蘿蔔，其實即係蘿蔔漬物。

胭脂蘿蔔

鮮雪耳濃雞湯用玻璃杯上，好精緻。個湯好清，雞味濃而不油，入面有大大舊雪耳，又好味又養身。

鮮雪耳濃雞湯

冬陰功海鮮忌廉長通粉 $128 另加一

冬陰功海鮮忌廉長通粉

$128

冬陰功海鮮忌廉長通粉

$128

冬陰功海鮮忌廉長通粉隻碟係熱架！個冬陰功忌廉汁又滑又香，少少辣不過好惹味。忌廉汁量好充足，每條粉都有汁。長通粉質感都可以，裡裡外外都係汁，伴有少少爽口菇菌增添口感。海鮮有兩隻連殼青口，兩隻去殼爽口蝦同兩片帶子，質素唔錯。

藻藍蛋白椰香鮮奶特飲 $48 另加一

粉粉櫻花椰香鮮奶特飲 $48 另加一

藻藍蛋白椰香鮮奶特飲, 粉粉櫻花椰香鮮奶特飲

$96

叫左兩杯類似既飲品。藻藍蛋白椰香鮮奶特飲同粉粉櫻花椰香鮮奶特飲賣相好靚，都係粉色系列。藻藍蛋白椰香鮮奶特飲係淺粉藍色，面頭一大pat忌廉，加上三色花瓣。

藻藍蛋白椰香鮮奶特飲, 粉粉櫻花椰香鮮奶特飲

$96

粉粉櫻花椰香鮮奶特飲係淺粉紅色，面頭有三小塊花形曲奇，再灑上粉紅色粉末，少女心十足。
兩杯奶味道都帶少少椰香，感覺健康。

上菜效率高，半個鐘食完走人。餐廳裝修都唔錯。食物質素都幾好，份量就唔大，唔驚會太飽。