影片
更多
2015-11-25
436 瀏覽
九龍城嘅糖水舖開到成行成市，喱間小店，我曾經好喜歡，不過已經有多年無黎，今日再次到訪，唔知，又有無退步喱？我一向鐘意食芒果冰、椰汁紫米等等甜度較高嘅甜品，今次就做左一個新嘗試，叫左一份 - 豆腐王子。底層主要係豆腐棉花冰，面頭配上紅豆、小丸子仲有綠茶雪糕。甜品嘅外觀一如既往，擺放得唔錯，而且啲碗感覺上都幾乾淨，食得好放心。再到味道方面，好開心佢完全無退步，keep到高水準喎！我覺得好好味，綠茶雪糕雖然食出得唔係好高質，但夠香，味亦夠。豆腐棉花冰比起以往食過既都更有豆腐味，當中佢落左些少煉奶，調起左成份甜品嘅甜味。而紅豆不會過份甜，烹調時間掌握得幾好，煲得夠淋。不過如果要講，美中不足嘅話，就係有啲小丸子煮唔透，否則喱份甜品就可以近乎滿分 (當然，要考慮埋價錢，同等級黎講，佢已經係超班馬)
九龍城嘅糖水舖開到成行成市，喱間小店，我曾經好喜歡，不過已經有多年無黎，今日再次到訪，唔知，又有無退步喱？
我一向鐘意食芒果冰、椰汁紫米等等甜度較高嘅甜品，今次就做左一個新嘗試，叫左一份 - 豆腐王子。
底層主要係豆腐棉花冰，面頭配上紅豆、小丸子仲有綠茶雪糕。甜品嘅外觀一如既往，擺放得唔錯，而且啲碗感覺上都幾乾淨，食得好放心。
再到味道方面，好開心佢完全無退步，keep到高水準喎！我覺得好好味，綠茶雪糕雖然食出得唔係好高質，但夠香，味亦夠。豆腐棉花冰比起以往食過既都更有豆腐味，當中佢落左些少煉奶，調起左成份甜品嘅甜味。而紅豆不會過份甜，烹調時間掌握得幾好，煲得夠淋。
不過如果要講，美中不足嘅話，就係有啲小丸子煮唔透，否則喱份甜品就可以近乎滿分 (當然，要考慮埋價錢，同等級黎講，佢已經係超班馬)
張貼
