NOC Coffee Co. (圍方)

營業中

休息中

圍方, 鐵路上蓋既新商場，即使推住BB車都可以輕輕鬆鬆抵達，約朋友食番個靚早餐都無難度。今次就試下好多分店既 NOC , 熱愛牛油果既你，一定要試下牛油果多士，同一份多士可以選擇果蓉或者切片，滿足既兩種口感。第一次食全素全日早餐，一樣有驚喜，蔬菜薯餅好食，最鐘意既係乳酪杯，唔會好酸而且配料口感豐富。全部都係素，比平時既全日早餐多左一份清新既感覺，再嘆番杯泡沫咖啡為早餐劃上完美既句號。值得一讚既係，雖然係商場入面，但窗外既景色好開揚，見到好多樹同植物，有溫暖既陽光，而且室內佈置都用左好多植物，令到環境都好舒服。如果唔想排隊等得耐，餐廳設有無景觀既位置， 位置餐廳門口，可以考慮下。