影片
更多
2022-05-27
41 瀏覽
某日經過上環被佢超可愛門面完全吸引😍。但當時已經食咗嘢，所以今次專登再去！好鍾意佢隻熱帶綠色調、招牌吹氣大象， 同牆上嘅壁畫。舖頭面積雖然細，但半開放式設計令陽光充足投入，感覺開揚唔焗促！成間餐廳嘅設計都俾人一種開心快樂嘅氣氛！是次點左泰式炒金邊，其實當時見餐廳冇乜人，同埋個炒粉偏淺色所以我係完全冇期望！點知一食落去，「嘩！勁好食」我唔太識形容佢點樣好食法...大概係質感夠軟夠彈，所有味，同配料調配得恰到好處，一啖會品嚐晒甜酸辣，夠味得黎又唔會過鹹，食完完全無口喝！價錢單點$98 ，其實唔算平！不過我覺得佢應該係我向香港暫時食過最好食泰式炒金邊！光看餐廳新潮簡約嘅設計，以為係外國人開。原來店主係兩位性格開朗，笑容陽光嘅年輕本地女仔。當日坐隔籬枱係班向附近返工，成日去幫襯嘅小姐。店主好誠懇親自走過去多謝佢哋支持，並且響買單時主動打折。可能舖頭仲係新開，未係咁多人！暫時未設有限時。向餐廳逗留咗兩個鍾, 影吓相，慢慢食嘢，上下網，佢哋真係都由得我慢慢食，完全無比過壓力！坐喺窗邊位，望住出邊嘅途人行嚟行去，有啲比餐廳搶眼嘅大象公仔吸睛駐足欣賞！餐廳裏面正在用餐嘅客人望落又好開心。成餐午飯感覺都
但當時已經食咗嘢，所以今次專登再去！
好鍾意佢隻熱帶綠色調、招牌吹氣大象，同牆上嘅壁畫。舖頭面積雖然細，
但半開放式設計令陽光充足投入，感覺開揚唔焗促！
成間餐廳嘅設計都俾人一種開心快樂嘅氣氛！
炒金邊粉
$98
3 瀏覽
0 讚好
0 留言
其實當時見餐廳冇乜人，
同埋個炒粉偏淺色所以我係完全冇期望！
點知一食落去，「嘩！勁好食」
我唔太識形容佢點樣好食法...
大概係質感夠軟夠彈，
所有味，同配料調配得恰到好處，
一啖會品嚐晒甜酸辣，
夠味得黎又唔會過鹹，食完完全無口喝！
價錢單點$98 ，其實唔算平！
不過我覺得佢應該係我向香港暫時食過最好食泰式炒金邊！
光看餐廳新潮簡約嘅設計，以為係外國人開。原來店主係兩位性格開朗，笑容陽光嘅年輕本地女仔。
當日坐隔籬枱係班向附近返工，成日去幫襯嘅小姐。
店主好誠懇親自走過去多謝佢哋支持，
並且響買單時主動打折。
可能舖頭仲係新開，未係咁多人！
暫時未設有限時。向餐廳逗留咗兩個鍾,
影吓相，慢慢食嘢，上下網，
佢哋真係都由得我慢慢食，完全無比過壓力！
坐喺窗邊位，望住出邊嘅途人行嚟行去，
有啲比餐廳搶眼嘅大象公仔吸睛駐足欣賞！
餐廳裏面正在用餐嘅客人望落又好開心。
成餐午飯感覺都輕鬆好享受。
小店嘅熱情、感覺、味道確實有令我置身於泰國路邊小餐館歇息旅行嘅氛圍！
張貼
