FRITES Belgium on Tap (灣景中心大廈)

營業中

休息中

之前見雜誌都介紹過呢一間餐廳轉食青口煲嘅，嘗試過好多次打電話去訂座去享受嗰個星期一任食餐青口嘅優惠，不過呢病咗因為呢已經係排隊排到去10月頭架啦。今個星期日嘅早收工就諗住walk in 試吓有冇機會食到呢個星期一任食青口優惠啦。我哋6:15已經到咗餐廳門口，係冇人排隊嘅。由於並無訂枱嘅關係，職員都好有禮貌咁問我地加唔介意坐吧枱。咁我地當然唔介意啦，職員好快咁就安排左我哋入座，亦都好細心咁解釋一下星期一任食青口優惠係點樣運作嘅。我哋兩個人分別帶咗兩round青口嘅，口味分別為下面的四款: Hoegaarden😋😋😋Provencale😋😋Laksa 😋😋😋😋😋我個人鍾意laksa味，最入味勁好食Mediterranean 😋😋值得留意嘅係第一輪帶青口呢系會附帶薯條嘅。但係第二輪點嘅時候，青口煲上枱嘅時候旁邊並無附帶薯條嘅。但由於薯仔其實都好飽肚嘅，我哋就冇再追加薯條啦。兩個人共點左四款青口煲，總共2公斤，加埋3 round happy hour, 大滿足離開。