The Stadium (已結業)

Stadium是個聚會好地方，無論是一家大細，情侶，姊妹們還是一班麻甩佬都絕對適合放工Happy hour點了一杯caipirinha，好濃青檸果香，味道幾清，唔算太濃烈，幾適合配我至愛嘅炸魚薯條炸魚薯條幾乎每次嚟Stadium都必點，外層炸至酥脆，內面魚肉仍然juicy，而且啖啖肉。配菜方面都好唔錯，除咗脆卜卜薯條，仲附上清新嘅沙律菜，咁就唔怕熱氣啦！主菜美國極黑毛豬，店員建議7成熟，上桌時熟度剛好，表面微帶焦香，肉味香濃富肉汁，難怪在場都唔少人點呢個！