HABITŪ table (希慎廣場) (已結業)

好耐之前都食過呢一間嘅全日早餐，嗰陣時已經覺得唔錯架啦！今次來食晚飯，兩個人就叫咗原切薯條配松露蛋黃醬(thick-cut French fries with truffle tartar) 同一碟濃香煙肉忌廉意粉(classic carbonara)，分量竟然多到係食唔晒嘅。首先一定要讚下個原切薯條，松露蛋黃醬係意想不到嘅超好味，配有炸南瓜切條作伴菜，兩者混合一齊食，甜中帶松露個種獨特嘅香味，真係一個完美嘅配對，厚設薯條口感豐富，岩岩出爐又香又鬆軟，讚！聽講呢一度嘅煙肉忌廉意粉係一味經典菜，都好熱門嘅，於是試吓啦。煎香嘅煙肉配上忌廉係天生一對，意粉軟硬度適中，食得出有浸蛋黃味，整體來講，價錢合宜，份量十分滿意。