韓米 (雅都花園商場) (已結業)

本身諗住係gogo mall食埋野先返屋企，不過未係好餓都係外賣返去食。呢個場實在太多野食啦，轉左一圈決定食韓國野，好耐無食了。等左大概十幾分鐘就有得拎了，即叫即做熱辣辣，個盒出晒倒汗水添。先來個韓式炒年糕，入面有魚糕片同長條形年糕，份量都唔少喎，辣辣地好惹味，食下食下都幾辣，哈哈。跟住有泡菜煎餅同韮菜煎餅，雖然有倒汗水，但啲餅無濕喎，泡菜餅好多泡菜，酸酸辣辣有咬口，韮菜餅又係好多韮菜，咬落好重韮菜味，兩款餅都好食。仲有個主食泡菜辣豬肉飯，賣相唔錯，飯上面有蛋絲同紫菜。旁邊紅色呢堆就係泡菜炒豬肉，泡菜酸辣，豬肉帶少少甜味，兩者混合送飯食一流，勁好味呀。好味好味，食韓國野又多個選擇。