影片
更多
2022-08-13
526 瀏覽
因為會員有生日禮券，滿$300-$100，本身想乘機去「日山」試Sukiyaki，我好難book 位，最後轉戰嚟呢度。睇相覺得餐廳幾有格調，而且因為祥仔師傅而對Foodstory 出品有d 期待，最後都係有d 失望兩個人，每人一入午餐，呢度lunch set價錢介乎$100 - $200，由牛舌丼到燒肉、壽喜燒。係尖沙咀 K11 呢個位置嚟講，算係划算！我帶咗一份嚴選部位嘅燒牛肉套餐，chunchan有溫泉蛋、沙律菜、麵豉湯同一碗白飯。我呢份套餐大約10分鐘後上菜，賣相都唔錯，有燒烤既味道，肉味濃厚，醬汁同牛肉相當夾，不過略嫌唔係熱辣辣咁上盤，至於旁邊嘅烤蔬菜都幾好食。男朋友嗌咗壽喜燒，但等候時間比較耐，大概係我完成70% 呢份壽喜燒先至送上枱。壽喜燒嘅湯底，非！常！甜！我哋食過咁多間香港專門做sukiyaki既餐廳（中環Mori、灣仔Sukiyaki），冇一間係甜到漏，好似飲緊糖水一樣。就算家用版嘅濃縮醬汁，都未至於呢個甜到漏嘅程度。值得留意：呢度午餐壽喜燒係用火鍋上菜，原來係廚房入面已經煮熟，再用熱既容器（鐵鍋）盛載。唔知夜晚會否用明火呢？ps: 留意到旁邊幾台食客，佢哋都有嗌壽喜
睇相覺得餐廳幾有格調，而且因為祥仔師傅而對Foodstory 出品有d 期待，最後都係有d 失望
兩個人，每人一入午餐，呢度lunch set價錢介乎$100 - $200，由牛舌丼到燒肉、壽喜燒。係尖沙咀 K11 呢個位置嚟講，算係划算！
我帶咗一份嚴選部位嘅燒牛肉套餐，chunchan有溫泉蛋、沙律菜、麵豉湯同一碗白飯。
我呢份套餐大約10分鐘後上菜，賣相都唔錯，有燒烤既味道，肉味濃厚，醬汁同牛肉相當夾，不過略嫌唔係熱辣辣咁上盤，至於旁邊嘅烤蔬菜都幾好食。
男朋友嗌咗壽喜燒，但等候時間比較耐，大概係我完成70% 呢份壽喜燒先至送上枱。壽喜燒嘅湯底，非！常！甜！我哋食過咁多間香港專門做sukiyaki既餐廳（中環Mori、灣仔Sukiyaki），冇一間係甜到漏，好似飲緊糖水一樣。就算家用版嘅濃縮醬汁，都未至於呢個甜到漏嘅程度。
值得留意：呢度午餐壽喜燒係用火鍋上菜，原來係廚房入面已經煮熟，再用熱既容器（鐵鍋）盛載。唔知夜晚會否用明火呢？
ps: 留意到旁邊幾台食客，佢哋都有嗌壽喜燒，同樣都係比較慢出菜。甚至乎個女仔嘅壽喜燒已經嚟咗，但係男仔嗰份仲要等，於是個女仔就冇得食住等。
成個用餐體驗，比想像中有啲出入，的確係失望最後埋單，向店員提出要使用優惠券，同時用埋商場嘅積分（K11 point Dollar），不過店員表示唔可以一併使用，當時我都拗晒頭當時都覺得，算數啦，就都冇再追問。
等候期間，我離遠聽到經理糾正返店員，表示使用餐廳優惠券後，亦可以使用K Dollar作支付消費。店員有主動向我哋更新呢一個消息，當扣埋K Dollar後，原本$400嘅午餐，只需不足$200就埋單。
但簽卡找數嘅時候，我都有「詐傻扮懵」咁去解釋返想用K Dollar 原意係清埋d 即將到期既積分。不過全程店員一句聲都冇出過，好冇禮貌。作為食客嘅我好似受咗佢氣，我感到非常無奈更何況，我冇追問點解唔用得。
我懷疑當時餐廳經理有目睹整個過程，知道我有提出要使用積分去支付消費，不過店員一口就答左：「唔可以」。經理喺收銀處糾正番店員，令店員有d 唔開心咁啦….. 不過事件反映培訓不足，而且樓面店員似乎唔太識處理呢種情況。
張貼
