桜

營業中

休息中

經常去路德圍掃街，依晚見到間新開嘅手卷店，款式好多，就唔覺意試咗4款。首先係炸軟殼蟹手卷，炸得香脆剛剛好，裡面已有沙律醬，不用加豉油已夠味，同menu上面張相一樣足料，冇照騙！三文魚拼帶子手卷，d料多到塞滿曬，帶子又厚又肥，加咗勁辣wasabi，好刺激啊（落一兩滴好了）。雖然係辣，但辣得來唔係搶喉那種，反而wasabi吊起d鮮味。加州拼三文魚腩手卷，我最欣賞加州卷嘅牛油果，平時自己好難揀到咁新鮮嘅牛油果，個入口真係好滑身。馬糞海膽手卷多到就來跌出來咁，好少食到咁多料嘅手卷，店家真係落足料。兩個人食咗4個手卷，飲埋杯兒時最愛波子汽水，好滿足！