金亞淶泰國餐廳

營業中

休息中

泰國菜四圍都有，但呢間嘅菜式又少見又震撼，位置仲要係以前程班長個位，所以一定要介紹下！✔️火山骨好大呀！大過我塊包包面！完全係打卡party聚餐必食！✔️店舖好細心附上手套，擺明用手開開心心食火山骨，揸住一大塊大啖咬勁過食雞脾或大雞扒！✔️火山骨每口肉好易咬，非常鬆化✔️一大盤汁被吸晒入肉令火山骨非常惹味✔️椰青炒飯無菠蘿炒飯咁悶，有新鮮感，而且食落口啖啖椰香非常清香好味✔️柚子沙律又是另一惹味之選，汁醬是非常用心調配，有椰糖香又有魚仔，完全唔hea✔️泰式奶茶同埋椰汁涼粉都係好可口，濃甜適中✔️最後一定推介就是甜品，最底層透明充滿椰青水嘅清香，中層奶白色有椰奶嘅濃滑甜美，頂層配上椰類粉末，一口就有齊三重椰子感受，下午茶 或者 宵夜淨係嚟食呢個椰皇三重奏都好大享受