Amina Modern European (已結業)

自家製麵包及特式醬
有法式麵包條、南瓜麵包、法式麵包同香草麵包
配上煙燻牛油
麵包新鮮熱辣辣，好軟熟！
特別喜愛南瓜麵包，因為夠香同出面少有
值得一讚煙燻牛油，煙熏味濃且香，牛油夠軟滑！
當麵包都有驚喜，令我更期待之後既食物！

1 瀏覽

青蘋果蜜瓜冷湯、佐谷巴火腿脆片
前菜出現！
佐谷巴火腿脆片好似厚嘅薯片咁，有風乾火腿嘅咸香味，呢個單吃會有啲咸，侍應話要同冷湯一齊食。青蘋果蜜瓜冷湯有青蘋果泡起上面，青蘋果同蜜瓜夾埋俾到一種清新嘅感覺！
一咸一清新，即刻平衡返

5 瀏覽

新鮮生蠔8隻
分別係Magnifica(左), Gillardeau(中) and Ancelin(右)
生蠔即刻開，夠新鮮，呢幾款較creamy ，啱曬我！

白露筍冷盤佐青葡萄、柚子凍及三色海藻
一上碟，俾佢既氣勢吸引住！
入面既乾冰不斷出白煙，令人有種置身仙境既感覺
白露筍鮮甜，夠幼嫩，無渣
柚子凍好香柚子味，有種清喉嚨既清新感覺
三色海藻令整個外觀加分，亦增加口感

接骨木花風味漬帶子、紅藜麥撘配飛魚卵
帶子係刺身帶子，上面加左接骨木花風味，同平時食既帶子刺身味道唔同，味道啱啱好，唔怕遮蓋帶子既鮮味
一開頭見到係紅藜麥以為會好dry 好乾硬，點知撘配飛魚卵原來可以平衡藜麥較硬既口感。加上紅洋蔥、香草同醬汁，味道更好

法式龍蝦湯配咸火腿餃子、龍蝦慕絲及茴香薄脆
一開頭上碟時只得餃子、慕絲及茴香薄脆，之後侍應會倒龍蝦湯，相信除左可以確保湯既溫度適中，亦可以確保湯入面既材料唔會浸得過頭！
侍應倒湯時，已經聞到好香龍蝦味！
湯要趁熱飲，薄脆要盡快食，龍蝦湯明顯足料所以龍蝦味夠濃，同creamy ，茴香薄脆可以中和龍蝦湯既膩同增加口感！
咸火腿餃子幾特別，唔會好咸，最重要係吸左湯既精華！

香煎法國鵝肝配溫泉鵪鶉蛋佐白豆蔻風味奶泡
香煎法國鵝肝煎得啱啱好，外面夠脆，入面夠滑
溫泉蛋就食得多，溫泉鵪鶉蛋未試過！質地細嫩得黎相對實啲，但唔會粉，同蛋感覺唔同！
奶泡打得好細緻，配合其他食物一齊食，加添一份奶香味

松露野菌球佐水牛乳酪龍蒿蛋黃醬
點解每道菜都可以整到咁靚！睇得出大廚嘅心機！！！
黑色球入面究竟有咩呢！
Upload 相既數目有限制⋯ 如果唔係想俾大家睇下黑色球入面係咩！
一切開入面係溶出黎既水牛乳酪，鐘意佢唔會太濃味，唔怕遮蓋松露同野菌既味道！
出面黑色脆口，入面芝士軟心，幾欣賞佢既配撘！

芭樂雪葩配鮮紅石榴及泡沫洋蔥苗
侍應話呢個係主菜前俾我地清清味蕾！
原來之前咁多樣都只係前菜😱太豐富啦！或者呢個就係法國菜既特色！
因為係清清嗰口，所以味道係酸同清新！
就算一個雪葩，都肯花心機去整泡沫！！！好欣賞廚師對食物既執著！

2 瀏覽

牛油煎南極牙魚配櫛瓜麵佐鱈魚高湯時蘿香草油
主菜終於出場！
南極牙魚用牛油煎，所以較香，魚皮煎得夠脆！
用上鱈魚高湯唔會喧賓奪主，且能帶出南極牙魚既鮮味！

1 瀏覽

澳洲M7和牛肉眼
簡簡單單既肉眼同配菜都可以擺得咁有美感！
用上M7和牛，肉質同脂肪比例啱啱好，每啖肉都充滿油香，肉味重而肉質嫩！