Goobne Chicken (M88) (已結業)

Goobne 係我最愛嘅韓國烤雞，今日在中環返工，放工後約左老友去食。在中環食飯永遠都當自己係遊客咁🤣🤣🤣餐廳位置非常放便，餐廳空間闊落。打開menu 睇左好耐，心大心細點乜！最終叫左未食過嘅half and half 選了韓式BBQ醬煙燻烤雞十原味烤雞 ，我個人就專食有骨部分🤣原味烤雞一如往常外脆內juicy! 而另一款不止有好香煙燻味，個汁甜甜酸蘿白好味，夠酸甜，好爽囗，唔夠仲可以追加😍仲有一個好似沙律醬比你點雞，都好好味，唔好睇佢個樣以為辣，係一D都唔辣嘅！仲叫左一個沙律，凱薩沙律，沙律菜爽脆，入面有青瓜，羅馬生菜，青瓜，脆面包粒，芝士粉！唔洗落沙律醬，D菜都已經好甜啊！韓式牛肉雜菜拌粉絲 呢個同韓式拌飯一樣，旁邊洋蔥，韮菜，青椒，紅椒，紅羅白，冬菇，雞蛋（蛋白同蛋黃分開煮的）！中間有粉絲，而牛肉就放左面，睇見咁靚就急不及待mix 埋食，好味，唔會油，牛肉夠野味唔會乾，拌埋咁多蔬菜，好健康！