影片
更多
2022-12-14
40 瀏覽
Fancy台灣菜✨登龍街出名多野食，地鋪、樓上餐廳就食得多，平時唔會留意到地庫都有餐廳。呢間稻埕飯店嘅裝修超modern，有唔少粉紅霓虹燈牌打卡位。菜式非常fancy，擺盤亦都有型有款！忍唔住，四個人都叫咗10個餸、4個甜品、4杯飲品😂八福拼盤 $298鹵水入味，但唔係死鹹💕最正嘅係鵝肝、鵝腸、鵝肉、溏心蛋！鵝肝我平時唔會食架，成日怕太肥膩太heavy，但係呢個真心要試，一啲肥膩嘅感覺都冇！鵝腸冇想像中咁爽口，處理得好乾淨。鵝肉好肥美，一啲都唔鞋口。糖心蛋就不嬲都好食㗎啦，橙黃色嘅蛋黃呈半溶化嘅狀態，睇到都想放入口。八斗子炒飯 $158雖然炒飯好似好頹咁，但係佢材料好豐富，絕對唔係頹飯！帶子、虎蝦、蟹肉呢幾款海鮮增加左鹹香，而蟹子、豬肉鬆就令到佢個口感更加豐富。炒飯做到粒粒分明係基本，但炒到乾身唔油膩就係極致。花鵰雞卷 $82呢個雞卷，我比一百分！除咗花雕酒嘅味道，我仲食到好養生嘅感覺，有紅棗嘅甜味啊！鳳梨牛柳 $188你以為係菠蘿炒咕嚕肉啲朋友，求其開啲罐頭菠蘿俾你食？呢碟鳳梨牛柳用咗新鮮鳳梨，食落酸酸甜甜非常開胃。以我多年讀生物嘅經驗來講，鳳梨入邊有酵素，可以令肉質變得嫩滑，所以鳳
登龍街出名多野食，地鋪、樓上餐廳就食得多，平時唔會留意到地庫都有餐廳。呢間稻埕飯店嘅裝修超modern，有唔少粉紅霓虹燈牌打卡位。
菜式非常fancy，擺盤亦都有型有款！忍唔住，四個人都叫咗10個餸、4個甜品、4杯飲品😂
八福拼盤 $298
鹵水入味，但唔係死鹹💕最正嘅係鵝肝、鵝腸、鵝肉、溏心蛋！鵝肝我平時唔會食架，成日怕太肥膩太heavy，但係呢個真心要試，一啲肥膩嘅感覺都冇！鵝腸冇想像中咁爽口，處理得好乾淨。鵝肉好肥美，一啲都唔鞋口。糖心蛋就不嬲都好食㗎啦，橙黃色嘅蛋黃呈半溶化嘅狀態，睇到都想放入口。
八斗子炒飯 $158
雖然炒飯好似好頹咁，但係佢材料好豐富，絕對唔係頹飯！帶子、虎蝦、蟹肉呢幾款海鮮增加左鹹香，而蟹子、豬肉鬆就令到佢個口感更加豐富。炒飯做到粒粒分明係基本，但炒到乾身唔油膩就係極致。
花鵰雞卷 $82
呢個雞卷，我比一百分！除咗花雕酒嘅味道，我仲食到好養生嘅感覺，有紅棗嘅甜味啊！
鳳梨牛柳 $188
你以為係菠蘿炒咕嚕肉啲朋友，求其開啲罐頭菠蘿俾你食？呢碟鳳梨牛柳用咗新鮮鳳梨，食落酸酸甜甜非常開胃。以我多年讀生物嘅經驗來講，鳳梨入邊有酵素，可以令肉質變得嫩滑，所以鳳梨同牛柳簡直係絕配！
花膠豬手鍋 $208
呢個豬手應該就係出面食果啲元蹄，佢用鐵鍋上，豬手林到連骨都甩埋出嚟，食極都仲係熱辣辣，送飯一流。
黑松露百合 $138
估唔到百合配白汁係咁好食，有少少黑松露味做點綴，罪惡感十足。
炸大腸 $108
呢味炸大腸比一般大排檔仲好食，首先佢處理得好乾淨，二來佢炸得乾身脆口。
蟹肉帶子金湯 $138
金湯嘅意思我估係甘筍，個湯好友田園嘅感覺，因為只有甘筍嘅甜，冇過多嘅調味料，好適合食飯之前飲。
波士頓龍蝦 $328
呢個簡直係要打卡用啦，個擺盤好精緻，用四方盒裝住炸過嘅椒鹽龍蝦，仲配上一啲蔬菜乾，有我愛嘅秋葵。
蒼蠅頭爆炒韭菜花 $98
好有鑊氣，一開始我以為炒咗啲黑豆，後尾食落去發現原來係豆豉…
八寶冰
賣相好睇過隔離鮮x仙。綠茶缺餅唔太甜，小丸子好彈口，珍珠多到滿瀉，紅豆軟冧。
可可流心窩夫
估唔到佢窩夫係最好食嘅，吹口，有蛋香，加埋雲呢拿雪糕食，呢個我比一百分。
桃膠燉鮮奶
養生之選，塗膠對皮膚好，女士必食。
黑糖珍珠鬆餅
睇圖片都覺得吸引，奶蓋同黑珍珠布滿左成個疏乎厘，疏乎厘比較實心，食完個飯再食，真係飽到傻！
張貼
