euro go go

營業中

休息中

每次訓得晏就好鍾意去呢度食早餐。因為佢個早餐做到11:30。同時佢個lunch 11點就開始。想輕食又得。食飽啲當brunch食又得。今日就揀左個早餐食。$38。凍飲+$4。鮮茄湯通粉。芝士吞拿魚法包。凍奶茶。茄湯有意式橄欖味。不過橄欖隻味一向都係好主觀。鍾意嘅就會好鍾意。唔鍾意嘅就會超級唔鍾意。法包超正。次次都一定係即叫即焗。啲料又足。法包表面微脆。但入面仲係好軟綿綿。成日都覺得凍飲要+$4有啲貴。不過杯凍奶茶飲得出有清清地嘅西茶味。有驚喜。茶記價錢有呢個質素。唔怪得成日見到好多一家大細幫襯。