百味村

營業中

休息中

今日去紅磡體育館睇show ,緊係食飽飽先去睇，但有show 日子，附近商場食店一定多人都爆，我寧願行遠少少，再去Kerry hotel food court 食。貪佢坐得舒服，價錢又低，酒店享受。黎呢到食最方便都係用apps order ,食物又唔洗自己拎，個apps 最好就係話埋你知有咩賣哂。泰式炒金邊粉炒得乾濕度適中，蝦又多，夠彈牙。微微嘅辣，因為加左少少馬拉盞，整體上都拍得住傳統泰式餐廳。蒸肉鮮蝦大餃子一隻都有我手掌咁大 （唔計手指喇當然🤣🤣），我未食過咁大隻餃，除左灌湯餃之外。咬入去啖啖原隻蝦肉同豬肉，好飽肚架！原味無骨炸雞份量夠多，好抵食，出面食都$50得兩，三舊喇。炸粉又唔多，雞肉多，非常脆口，送啤酒一流。