丸十日本食堂 (已結業)

今日同朋友行完葵廣，就行埋去新都會搵野食，見呢間日本菜出左新菜式。可以DIY 整大阪燒。我同朋友都大感興趣。點餐後店員準備好爐，食材，油以及醬汁，比我地。咁岩餐廳安排左大枱，坐得比較入，而且空間好大。製作完個大阪燒好明白，餐廳既用心。都真係會造成唔少煙，需要較大同通風既空間。先黎講下如何DIY 大阪燒，將椰菜同蛋汁放入大碗攪拌，之後可以落適量既油，單邊煎一陣，再加入其他配料，分別有薯片、櫛瓜、木魚絲。兩邊都煎香後加入海苔粉、秘製蛋黃醬同大阪燒醬，仲有4款食材可加錢加配，令成個大阪燒更豐富。有豚肉、牛肉、芝士同章魚。我地加配左芝士，有拉絲效果，芝士味濃郁。完成後真係好有同朋友一齊整野食既滿足感。 但第1次整D 小意外，太大火令到蛋同椰菜煎燶左，職員見到都好熱心咁再提供蛋同菜比我地重製。仲教左我地一D 小秘訣，較細火D 煎耐少少。同埋攤開多D 菜範圍更大會易煎D 。整體黎講都係個好玩又好食既體驗。