福岡漢堡扒 (鴻威大廈) (已結業)

人氣過江龍福岡漢堡扒係旺角開左分店，平時係尖沙咀都要排隊，旺角店新開就無咩人排隊。唔想煩就叫左2人餐，芝士蛋蒜和牛漢堡扒同墨西哥辣椒和牛漢堡，2款餐都係配沙律同味噌湯，仲有一大碗和牛乒乒乒拌飯，炒熟既和牛粒，半熟煎蛋，新鮮蔬菜，加上韓式辣醬撈埋，辣辣地，好惹味。芝士蛋蒜和牛，將漢堡肉放係熱石上面幾秒就可以反，唔係就會燶架啦。漢堡肉入口肉汁四溢，加上芝士既咸香，好惹味。而墨西哥辣椒和牛，漢堡肉上面有大量墨西哥辣椒，底鋪滿雞蛋液，似韓式燒肉既爐邊蛋，煎熟既漢堡肉配埋半熟蛋，辣辣地加嫩滑蛋，口感一流。足半磅薯條❪芝士醬❫,薯條炸得好香脆，芝士醬咸香濃郁，真係食到停唔到口吖~薯條控必食！食到甘上下，當然要飲下野，叫百香果特飲，酸酸甜甜，而且仲勁大杯。唔飲甜既朋友，呢度亦有無糖茶可以選擇。