影片
更多
2023-07-17
266 瀏覽
多年冇見嘅友人約我去飲酒，佢推介之下首次到訪Dio store 。-酒吧唔近地鐵站，距離上環站約8分鐘路程，中途要行斜路，門面暗黑主調，店名印喺牆邊，唔起眼。-酒吧細小，有一半係Bartender調酒區，另一半係座位，全部係吧枱座位，少，數量不足20張，靠牆位置陳列各式各樣酒類。-約定時間係平日晚上8:30，酒吧冇客，有一位Bartender，友人未到，坐下後得悉我係首次光顧，熟練介紹 Menu同期間限定。-友人係熟客，Bartender照舊調兩杯餐牌冇提供嘅青瓜Cocktail，一人一杯。-Cocktail （青瓜）$148賣相似Lemonade，掛杯係青檸皮，酒類同其他用料我都忘記，有青瓜同青檸，青瓜味濃，清新，味道酸甜適中，後勁帶酒香，唔苦唔烈，恰到好處，好飲。-Cocktail （金奇異果）$148屬期間鮮果限定，有金奇異果肉串，酒類同其他用料我都忘記，味道平衡，甜大於酸，後勁帶酒香，唔苦唔烈，好飲。-整體而言，Bartender 善言，調酒能力出色，Cocktail好飲，唔熟悉Cocktail可以直接請教Bartender，講出喜好嘅味道同酒類，自然會有推介，唔受餐牌同新手限
-
酒吧唔近地鐵站，距離上環站約8分鐘路程，中途要行斜路，門面暗黑主調，店名印喺牆邊，唔起眼。
-
酒吧細小，有一半係Bartender調酒區，另一半係座位，全部係吧枱座位，少，數量不足20張，靠牆位置陳列各式各樣酒類。
-
約定時間係平日晚上8:30，酒吧冇客，有一位Bartender，友人未到，坐下後得悉我係首次光顧，熟練介紹 Menu同期間限定。
-
友人係熟客，Bartender照舊調兩杯餐牌冇提供嘅青瓜Cocktail，一人一杯。
-
Cocktail （青瓜）$148
賣相似Lemonade，掛杯係青檸皮，酒類同其他用料我都忘記，有青瓜同青檸，青瓜味濃，清新，味道酸甜適中，後勁帶酒香，唔苦唔烈，恰到好處，好飲。
-
Cocktail （金奇異果）$148
屬期間鮮果限定，有金奇異果肉串，酒類同其他用料我都忘記，味道平衡，甜大於酸，後勁帶酒香，唔苦唔烈，好飲。
-
整體而言，Bartender 善言，調酒能力出色，Cocktail好飲，唔熟悉Cocktail可以直接請教Bartender，講出喜好嘅味道同酒類，自然會有推介，唔受餐牌同新手限制，冇加一，價錢略貴，性價比唔大。鍾意酒吧環境，寧靜舒服，Bartender熱情，會介紹酒類，服務好，適合放鬆閒聊嘅好地方。
張貼
