DALLOYAU

營業中

休息中

早幾日先試過DALLOYAU既Enchanting Apple，點知其他友人知道我係DALLOYAU既粉絲，又買左個類似既Joyful Blueberry送俾我。Joyful Blueberry $438上DALLOYAU網頁見到呢個16cm賣$438。如果size係18cm，價錢就係$668。跟蛋糕有塊心形或者圓形嘅朱古力慶祝牌。個蛋糕賣點明顯係啲淺黃色嘅朱古力絲帶，上面仲有色彩繽紛既朱古力碎。今次所有絲帶都係完好無缺啦，賣相唔錯呢！除左淺黃色絲帶，蛋糕用左同樣嘅淺黃色朱古力片圍邊。朱古力係法國33%白朱古力，本身係又薄又滑，係好食嘅。至於拎走哂啲朱古力之後呢，個蛋糕就係有三層好普通嘅白色chiffon蛋糕，夾住兩層有新鮮藍莓既藍莓果醬，至於忌廉則有三層，個人覺得太多忌廉，好膩！味道雖然比Enchanting Apple好少少（因爲有新鮮藍莓），但係都係平平無奇，無乜層次感又冇特別，同埋好膩。個人强烈唔推介呢款蛋糕，得個樣，又賣得貴。真係要買的話，買16cm就夠。