Makuma (已結業)

平時我都會去D2 place行街～而最近見到新開左呢間日式和風居酒屋Cafe 貪新鮮既我緊係去試試😗 餐廳環境同裝修都充滿日系風🇯🇵食物亦都係有好多款式! 有定食、居酒屋🏮小食同埋好多款酒類🍹🍺🥃🍶 飲品簡！餐廳日頭會係行cafe風格 、夜晚就變身成居酒屋！今次夜晚兩個人叫左幾樣特式野試試💕咁岩食左個幾款都有驚喜 尤其係吉列雞胸！十分推薦 • / 咖喱吉列慢煮雞胸、珍珠米 / 呢道絕對係呢間餐廳既招牌菜, 因為雞胸食落去非常嫩滑juicy, 好似食緊雞脾肉咁😋 而外圍既炸粉亦都唔會好厚, 咬落去好香脆, 所以吞落去唔會覺得好油膩, 再配上美味可口既咖喱及粒粒飽滿既珍珠米一齊食、會令人食完都想再encore🥹• / 蒲燒鰻魚串 /師傅調味非常入味, 食落去好濃香既鰻魚鮮味, 肉質嫩滑, 一份有3串 岩晒share ! 作為串燒小食真心推介呢款 • / 西京燒銀鱈魚 /一向係居酒屋都鐘意點既西京燒 呢道可以比90分🥰 魚皮燒到香脆, 平時唔食魚皮既我, 不得不一整塊食晒, 而魚質亦都好嫩滑, 基本上唔洗點任何醬汁, 都已經食得出鮮味! • / 抹茶鮮奶（熱）/一上檯比個拉花驚艷到～ 好用心