Delish (已結業)

D.Park新開Cafe 一直都想試下😍 Weekend朋友仔黎荃灣搵我食野又驚無位泊車，我就順便提意去D.Park應該無死😁 佢算係荃灣最多車位既商場之一😁Delish呢間Cafe 裝修簡約舒適見佢都有啲梳化位坐，幾啱坐低食嘢飲嘢吹水！Menu選擇都幾多元化，最後同朋友叫咗幾款食物試吓⭐️炸魚薯條 🐟 🍟 朋友勁讚既fish n chips 😍 佢地係用左鱈魚柳做炸魚，熱辣辣都幾大塊，炸得酥脆，魚肉香嫩多汁😍 配上他他醬一起吃更加滋味😋又幾好食！⭐️炸軟殼蟹松露忌廉汁意粉個意粉🍝整體黎講都算唔錯，軟殼蟹炸得幾香脆，忌廉汁幾香濃，松露醬既份量岩岩好唔會過多搶左個味道，意粉都唔會過淋有小小咬口，食落都幾creamy !⭐️迷你漢堡伴甜蕃薯🍠條田園沙律迷你漢堡分別係牛肉漢堡同埋雞肉漢堡！我覺得不過不失唔太特別但係就可以一次過試晒兩款唔同嘅味道😆反而佢個雞肉漢堡個肉質比較軟嫩，食落都唔錯！ 蕃薯🍠條熱辣辣又香脆，食落甜甜地我都幾鍾意😁⭐️飲品，因為當日唔想飲咖啡所以轉左飲Lemonade🌝 幾過癮比左兩個裝滿冰嘅小杯我地自己倒落去慢慢飲！呢隻lemonade好飲，唔甜而且酸度剛好帶有檸檬嘅清香👍🏻正