牛丼家

營業中

休息中

牛肉飯喺香港不嬲都有好多，但係香港品牌嘅就係齊柏林旗下嘅牛丼家，今日就同朋友特登去試吓🌞估唔到裝修都幾靚，嘢食好食價錢抵CP值高🤩🤤牛魔王飯會附送牛魔王汁，係和牛提煉嘅牛油再加上柚子醋同埋其他秘製醬汁，倒落飯度撈勻食充滿油香。漢堡扒肉質有口感又Juicy，飯入面仲有白薑片俾你解油膩。🤟🏻咖喱牛肉飯牛肉唔會太肥但係有肉香，調味啱啱好，牛肉飯嚟講都算幾出色。咖喱唔會太辣係Standard嘅日本咖喱。兩個飯我哋都叫咗套餐，小食分別揀咗炸雞同青菜，炸雞肉嫩滑，青菜都幾新鮮不過如果落少啲油就會好啲。仲有飲品揀咗冰紅茶同埋可樂，平平哋又好食CP值好高。