素來素往 (已結業)

今次去左大角咀嘆素食自助餐🤩位於博文街既素來素往其實交通都OK方便🤣呢日黎到食晚餐，款式選擇幾多，而且又唔太貴，CP值唔錯喎！入座會提供一隻碟比大家，大家出去自助區用呢隻碟裝野食就OK🤣當然出面都有啲細碟同碗比你fill野食😛自取區由沙律前菜到主食再到甜品都一應俱全，望落仲好吸引添吖~前菜除左有普通沙律菜，仲有地中海沙律、薯仔沙律、刀拍青瓜、好麻辣既涼拌四川薯粉、口水雞等等，淨係前菜都要黎一Round先啦👏！主菜有入哂味既薑醋蛋、口慼綿密既芋頭扣肉、香口既煎釀三寶(呢款係以豆腐扮成魚肉，一樣好味吖)、豉汁帶子蒸豆腐、西檸雞、生炒骨同冬瓜環等，望落好像真🤩~仲有香口既炸物一樣唔少得~間唔時仲會出素pizza同蔬菜卷餅，呢2款都唔錯嫁😎有餸菜當然唔少得主食啦，較有特色既韓式炒年糕加入麵筋一齊烹煮，微辣惹味😋粥都有兩款，另外仲有炒飯同紅米飯；不過記得留肚食甜品，因為呢度啲甜品都唔少，有椰汁糕、馬豆糕、涼粉、豆腐花、糖水；最正係佢地有一款焗焦糖蕃薯西米布丁🙌！蕃薯蓉好綿密入口即化，而且蕃薯天然甜味好出、中間仲會食到西米粒，面層係薄脆既焦糖面，混合蕃薯蓉一樣食好好味。百零蚊真係食到幾滿足🤩👏🎉依