金子半之助 (新都會廣場) (已結業)

約咗朋友睇戲，入戲院前搵個地方醫吓肚先。經過餐廳聞到一陣陣嘅麻油香味，就知道又好食又講究嘅天婦羅啦，果陣香味簡直令到我唾涎三尺！入座後，待應非常有禮貌，而且環境清潔，令人非常舒適。店舖提供的黑豆茶亦非常甘香。我同朋友點了江戸前天丼及上天丼，並升級車海老。江戸前天丼的招牌穴子天婦羅好吸睛！超厚肉身，有成30cm長，咬落肥美軟滑，啖啖魚肉！車海老手指公咁粗，蝦肉又爽口又彈牙，口感一流。而上天丼就係原條無骨赤金鯛做主角，加上柱貝魷魚餅等天婦羅以及炸溫泉蛋份量十足，天丼會把新鮮炸起嘅天婦羅食材放喺飯面，再均勻淋上天丼醬汁，令每件天婦羅都可以沾上適量沾有醬汁，要加上炸溫泉蛋，流心爆醬，口感又再度昇華！而金子半之助用古早秘傳醬汁，令江戶時代風味重現。店舖仲好貼心，有埋品嚐天丼的食法俾大家參考！