雞吧

營業中

休息中

石門真係越來越多小店，最近新開左間韓國炸雞，正😍😍 都幾多款式架～ 三心兩意既我叫左半半炸雞，咁就可以試晒兩個味道~~ 蜂蜜牛油炸雞同韓式甜酸炸雞👍 👍 份量超多，每舊雞件都好大，而且新鮮炸起好好味，炸粉又薄，咬入口非常juicy。蜂蜜牛油汁真係好邪惡，甜甜地又唔會好漏。甜酸汁都好正，甜甜地辣辣地好開胃。CP值真係幾高，我已經想再食啦啦啦!!!! 除左炸雞之外，我仲點左沙律同小食。大蝦牛油果沙律份量都好多，超多隻大蝦，而且好爽口。仲要有好多牛油果，沙律菜亦都夠新鮮，真係食極都仲有。 栗米蛋餅勁多芝士同栗米，不過略沙律醬太多，所以有點漏。