影片
更多
2021-08-09
107 瀏覽
上星期同朋友約食飯，我哋好鍾意試元朗唔同餐廳，覺得好多小店都內藏寶藏😋今次就嚟咗呢間 凡直友里，個名好有趣，佢個凡字都係stand for FUN😆😆。入到去係西餐廳格局，適逢奧運期間電視又播住viu🥰開心！Menu好多都好吸引，我哋最後叫咗烤西班牙黑毛豬扒Set配意粉，Starter 要三文魚子吞拿魚他他脆多士&龍蝦濃湯，另外叫咗個澳洲M5和牛牛膝肉自家製手造寬條麵，松露菌油帕馬臣芝士薯條先嚟Starter ～三文魚子吞拿魚他他脆多士感覺好精緻，望落好似細細件，但其實分別搽上兩塊多士好足料！味道都好fresh，個人好鍾意呢個配搭，真心幾開胃～龍蝦濃湯雖然要加錢但都覺得好值，因為龍蝦味重同埋感覺係落足料先製作到。烤西班牙黑毛豬扒Set配意粉由於叫咗薯條，所以揀咗配意粉，佢係有少少咬口而有汁，所以又唔會太硬身。塊豬扒厚得嚟唔會太韌，肉質唔鞋，唔錯唔錯！另外叫咗個澳洲M5和牛牛膝肉自家製手造寬條麵因為好想試手製寬條麵，又想試多啲唔同嘅嘢，所以叫咗呢個。上網睇話牛膝肉即係牛大腿上嘅肉，由於經常運動，所以要長時間炖煮，如果唔係會好硬好韌，但呢個牛膝肉食落完全無呢個問題，唔會太韌，證明煮得幾好
入到去係西餐廳格局，適逢奧運期間電視又播住viu🥰開心！
Menu好多都好吸引，我哋最後叫咗烤西班牙黑毛豬扒Set配意粉，Starter 要三文魚子吞拿魚他他脆多士&龍蝦濃湯，另外叫咗個澳洲M5和牛牛膝肉自家製手造寬條麵，松露菌油帕馬臣芝士薯條
先嚟Starter ～
三文魚子吞拿魚他他脆多士
感覺好精緻，望落好似細細件，但其實分別搽上兩塊多士好足料！味道都好fresh，個人好鍾意呢個配搭，真心幾開胃～
龍蝦濃湯
雖然要加錢但都覺得好值，因為龍蝦味重同埋感覺係落足料先製作到。
烤西班牙黑毛豬扒Set配意粉
由於叫咗薯條，所以揀咗配意粉，佢係有少少咬口而有汁，所以又唔會太硬身。
塊豬扒厚得嚟唔會太韌，肉質唔鞋，唔錯唔錯！
另外叫咗個澳洲M5和牛牛膝肉自家製手造寬條麵
因為好想試手製寬條麵，又想試多啲唔同嘅嘢，所以叫咗呢個。上網睇話牛膝肉即係牛大腿上嘅肉，由於經常運動，所以要長時間炖煮，如果唔係會好硬好韌，但呢個牛膝肉食落完全無呢個問題，唔會太韌，證明煮得幾好！手造寬條麵可能多汁嘅關係，會有少少偏淋身，不過配合埋芝士，醬汁等都好好味！
松露菌油帕馬臣芝士薯條
嚟到時有少少嚇親，無諗望咁多，同埋個芝士都好多😂平時嗰啲都係落少少，證明呢間嘢係sell足料，所以都幾值得食。
嘢飲方面揀咗cocktail，叫咗1杯Hey! Hazel同1杯White Sangria。
White Sangria溝咗都幾多果汁，所以偏甜，好易入口。而Hey! Hazel就較重薑味。最後當然唔少得甜品喇！
香橙芝士凍配開心果蛋糕
擺盤好適合打卡，而我覺得雪糕有得揀開心果係驚喜嘅！香橙芝士凍就無諗過呢個配搭都幾唔錯！
呢間嘢嘅價錢同份量嘅CP值幾高。值得再去！
張貼
