影片
更多
2020-04-03
94 瀏覽
因為要慶祝周年紀念,呢排周圍搵餐廳做功課,之前見呢間和氣食堂日係我公司附近都有分店, 一路都想試下,咁岩我地又鐘意食日本菜,好啦就今次就試試你先一去到覺得門面裝修得幾靚,幾似去日本時候係街到見到果啲餐廳,鋪位唔算好大,但啲位置都幾闊落有空間感,設計都好和式,兩個人食都比左張四人枱我,唔怕同人迫既然今次係慶祝周年紀念,當然都嗌豪小小。首先嗌左個火焰左口魚牛油果沙律做頭盤,個名夠曬氣勢。一黎到見到份量都幾多,仲好開心,牛油果同左口魚好正,唔會得2嚿仔, 上面仲有少少黑松露咁嘅嘢,加埋個香油成個沙律好開胃,同埋比起出面食到既無咁heavy,作為頭盤開胃一流跟住到個刺身拼盤,每一樣都好新鮮,尤其是三文魚,又肥美又大舊,對於好鍾意食三文魚既我,簡直無得嘆 個炒野菜就清清地唔會太重味,重有加左洋蔥係入面,成個配搭好香停唔到口小食就嗌左個燒三文魚皮,炸得好脆口,加埋沙律醬, 好適合一啲鐘意飲啤酒黎佐酒 （最衰我地兩個都唔係點好酒類）主食方面叫左個海膽炒飯,黎到既時候心稔咁大碟既,兩個人會唔會食唔曬呢。但一食就停唔到口,個飯炒得好香口,啲飯一粒一粒好分明,最後成碟清曬最後仲有燒芝士年糕做飯後小食,外面
一去到覺得門面裝修得幾靚,幾似去日本時候係街到見到果啲餐廳,鋪位唔算好大,但啲位置都幾闊落有空間感,設計都好和式,兩個人食都比左張四人枱我,唔怕同人迫
既然今次係慶祝周年紀念,當然都嗌豪小小。首先嗌左個火焰左口魚牛油果沙律做頭盤,個名夠曬氣勢。一黎到見到份量都幾多,仲好開心,牛油果同左口魚好正,唔會得2嚿仔, 上面仲有少少黑松露咁嘅嘢,加埋個香油成個沙律好開胃,同埋比起出面食到既無咁heavy,作為頭盤開胃一流
跟住到個刺身拼盤,每一樣都好新鮮,尤其是三文魚,又肥美又大舊,對於好鍾意食三文魚既我,簡直無得嘆
個炒野菜就清清地唔會太重味,重有加左洋蔥係入面,成個配搭好香停唔到口
小食就嗌左個燒三文魚皮,炸得好脆口,加埋沙律醬, 好適合一啲鐘意飲啤酒黎佐酒 （最衰我地兩個都唔係點好酒類）
主食方面叫左個海膽炒飯,黎到既時候心稔咁大碟既,兩個人會唔會食唔曬呢。但一食就停唔到口,個飯炒得好香口,啲飯一粒一粒好分明,最後成碟清曬
最後仲有燒芝士年糕做飯後小食,外面食落好鬆軟搭上流心芝士係入邊,唔會太膩.
總括黎講,依餐食左咁多野都係五百幾蚊,野食質素好cp值高。見對面枱叫左個鍋物好香,但真係太飽唯有下次再試。野飲方面如果非酒類既選擇比較小,多啲就就好
張貼
