影片
更多
2018-06-10
82 瀏覽
去完銅鑼灣行街，近近地去到金百利廣場搵餐廳食晚飯！見到渝痴漁醉好多好評，我地決定試一試！餐廳食物選擇有好多，烤魚味道已經有10款可以選擇，同時亦有4種魚類可以揀！水煮魚都有7款！小菜，涼菜，飲品的選擇都有好多！總有一款岩心水！而且餐廳好好細心，大部分的菜式都可以選擇辣度！超讚！未落單，店員已經送上餐前小食，有蠶豆同紅莓乾兩款!青龍湖鮮椒魚 $178嘩！超級大盤！無錯，係「盤」！因為一碟已經形容唔到佢超多既份量！非常足料！魚片新鮮嫩滑，配合鮮甜麻辣的魚湯底，好味道呀！魚湯底加左好多芝麻，適量辣椒、花椒、酸菜，麻辣酸味恰到好處！而且裡面仲有大量萵筍，金菇，寬薯粉！萵筍清甜， 金菇同寬薯粉吸收曬湯底既味道！非常推介!小龍坎口水雞 $78口水雞好嫩滑，唔太辣，味道亦夠惹味！份量亦好多！山椒木耳 $38醋味酸味辣味都平衡，係爽口開胃既涼拌前菜！椒伴松花蛋 $42松花蛋蛋白呈透明狀，蛋黃流心！軟綿彈滑，入口即溶！好味道！1664啤酒 $68蜂蜜柚子梳打 $28西瓜桂花冰粉 （送）最後餐廳送上西瓜桂花冰粉作為甜品，冰粉配上西瓜碎同桂花糖水，甜甜的帶清香，中和一下麻辣，感覺清新！為呢餐四川菜畫上完美句
餐廳食物選擇有好多，烤魚味道已經有10款可以選擇，同時亦有4種魚類可以揀！水煮魚都有7款！小菜，涼菜，飲品的選擇都有好多！總有一款岩心水！
而且餐廳好好細心，大部分的菜式都可以選擇辣度！超讚！
未落單，店員已經送上餐前小食，有蠶豆同紅莓乾兩款!
青龍湖鮮椒魚 $178
嘩！超級大盤！無錯，係「盤」！因為一碟已經形容唔到佢超多既份量！非常足料！
魚片新鮮嫩滑，配合鮮甜麻辣的魚湯底，好味道呀！
魚湯底加左好多芝麻，適量辣椒、花椒、酸菜，麻辣酸味恰到好處！
而且裡面仲有大量萵筍，金菇，寬薯粉！萵筍清甜， 金菇同寬薯粉吸收曬湯底既味道！
非常推介!
小龍坎口水雞 $78
口水雞好嫩滑，唔太辣，味道亦夠惹味！份量亦好多！
山椒木耳 $38
醋味酸味辣味都平衡，係爽口開胃既涼拌前菜！
椒伴松花蛋 $42
松花蛋蛋白呈透明狀，蛋黃流心！軟綿彈滑，入口即溶！好味道！
1664啤酒 $68
蜂蜜柚子梳打 $28
西瓜桂花冰粉 （送）
最後餐廳送上西瓜桂花冰粉作為甜品，冰粉配上西瓜碎同桂花糖水，甜甜的帶清香，中和一下麻辣，感覺清新！為呢餐四川菜畫上完美句號！
渝痴漁醉整體落單到送食物速度都好快，食物好味，價格相宜，抵食！CP值超高！仲有好多其他菜式想試，下次會再黎食飯！ 非常推介渝痴漁醉！
張貼
