影片
更多
2021-06-16
670 瀏覽
星期日放假相約咗朋友嚟天后食晏，之前經過清風街已經睇中咗呢間「天府川菜」😙。我貪佢有得食辣之餘，仲有好多其他菜式。以川菜館來講，佢環境算相當乾淨整齊👍，因為店內無好大陣食辣嘅味，四周圍亦唔油。再者，呢度冷氣充足，我哋坐得好舒服。餐廳原來連週末都有賣午市套餐，平均六十幾蚊就有交易，仲送埋飲品添。另外，亦可以用優惠價加配小食。咁嘅價錢就已經可以食到正宗川菜，確係超抵🈹！本身諗住剩係嗌午餐，但喺老闆娘強烈推介招牌菜嘅情況下，我哋最終乜都食咗啲😜，成餐超豐富，飽到晚餐都唔使食。韭香牛肉($148)，哇哇哇，佢同餐牌圖片一樣，全部都係蔥💚。其實我超驚食蔥，但朋友相反，好鬼鍾意，我唯有捨命陪君子。由於係放湯，所以啲蔥唔會痴住啲牛肉。牛肉係用上鮮牛片🐮，肉味濃郁，厚薄適中，有好多片。湯底係唔辣的，佢出奇地無我想像中嘅臭青味，反而仲有啲青香😳，莫非呢個係令我接受食蔥嘅轉捩點？底部墊咗唔少大豆芽菜，適合索湯，亦好脆口。手撕雞涼麵($68)，涼麵好大碗，麵同餸都好多🍜。辣度有得揀，我只係揀咗微辣，但估唔到隻辣都幾勁，完全唔食得辣的話就一定要走辣。麵條清爽，條條分明，放耐咗都唔會漿成一餅。啲汁集中喺底，所以
星期日放假相約咗朋友嚟天后食晏，之前經過清風街已經睇中咗呢間「天府川菜」😙。我貪佢有得食辣之餘，仲有好多其他菜式。
以川菜館來講，佢環境算相當乾淨整齊👍，因為店內無好大陣食辣嘅味，四周圍亦唔油。再者，呢度冷氣充足，我哋坐得好舒服。
餐廳原來連週末都有賣午市套餐，平均六十幾蚊就有交易，仲送埋飲品添。另外，亦可以用優惠價加配小食。咁嘅價錢就已經可以食到正宗川菜，確係超抵🈹！本身諗住剩係嗌午餐，但喺老闆娘強烈推介招牌菜嘅情況下，我哋最終乜都食咗啲😜，成餐超豐富，飽到晚餐都唔使食。
韭香牛肉
$148
29 瀏覽
0 讚好
0 留言
韭香牛肉($148)，哇哇哇，佢同餐牌圖片一樣，全部都係蔥💚。其實我超驚食蔥，但朋友相反，好鬼鍾意，我唯有捨命陪君子。由於係放湯，所以啲蔥唔會痴住啲牛肉。牛肉係用上鮮牛片🐮，肉味濃郁，厚薄適中，有好多片。湯底係唔辣的，佢出奇地無我想像中嘅臭青味，反而仲有啲青香😳，莫非呢個係令我接受食蔥嘅轉捩點？底部墊咗唔少大豆芽菜，適合索湯，亦好脆口。
手撕雞涼麵
$68
19 瀏覽
0 讚好
0 留言
手撕雞涼麵($68)，涼麵好大碗，麵同餸都好多🍜。辣度有得揀，我只係揀咗微辣，但估唔到隻辣都幾勁，完全唔食得辣的話就一定要走辣。麵條清爽，條條分明，放耐咗都唔會漿成一餅。啲汁集中喺底，所以記得要撈匀先好食啊。配料有青瓜絲、雞絲、芫荽同蔥等，伴麵食好夾。☀大熱天時食呢個麵，一個字：爽！
酥炸魷魚鬚
$68
16 瀏覽
0 讚好
0 留言
夫妻肺片($28)，大家千奇唔好錯過午餐嘅加配小食，賣三分一嘅價錢，更可以一次過食多幾款😁。呢碟主要有牛肚薄片，口感富有彈性。
麻辣牛𦟌
$28
11 瀏覽
0 讚好
0 留言
芒果沙冰
$25
20 瀏覽
0 讚好
0 留言
米酒湯圓($30)，我哋原本只係嗌咗一碗，不過老闆娘超好人，送多一碗🙇♀️。甜湯帶有糯米香，但酒味唔算好強，換個角度睇，亦可以講係易人口。🍡湯圓細細粒，口感QQ，兼且十分軟綿。
總括嚟講，我認為天府川菜幾值得推介🌟，食物味道好，辣得嚟唔重口味；選擇又多，有辣有唔辣，任君選擇。同時，佢亦性價比高，餸菜大碟，一班人嚟食就啱哂。如果食厭咗連鎖店，不妨嚟呢度幫襯。最後，我上載埋餐廳嘅完整餐牌以供參考🙏🏻。
張貼
