玉桃軒酒家 (利舞臺廣場)

營業中

休息中

玉桃軒系時代廣場旁邊既利舞臺廣埸，呢邊人流唔系特別旺，所以都唔洗等位。最catch到我地attention既一定系呢款主推既358優惠套餐，以及下面既188片皮鴨，加多78可另加一食，似乎系必食之選。北京片皮鴨壹食 (188) - 由於片皮鴨價錢比坊間平幾成，所以幾乎人人都會點。但質素絕不馬虎，皮夠脆身，又夠肉汁，鴨味都唔差，雖然擺盤一般，但都有實際。餅皮夠大塊，不厚亦不太薄，包埋填鴨醬，蔥段同青瓜食別有一番風味。涼瓜炒鴨件 (加78轉二食) - 78元非常划算，此有大量鴨件，肉嫩而有肉汁，亦唔會炆得太老，豉汁亦唔會太濃。一品蒜香雞半隻 - 雞與一般紅燒雞看齊，雞皮十分脆，而雞肉都算滑。但重點可算是所配既香蒜醬油，濃而不膩，甜而帶濃郁蒜香，非常好食。