影片
更多
6天前
0 瀏覽
之前聽朋友介紹過旺角有間好好食嘅台灣人氣燒肉餐廳，今日趁放假一於出去試下。門口睇左menu，發現呢間餐廳嘅盛合套餐都包左好多野食，CP值爆燈，最後我地揀左食smile盛合套餐同海陸豚特盛套餐。smile盛合套餐（$138）- 和風醬燒- 牛五花，牛橫隔膜，豚五花，鮮蝦，鮮魷魚，鮮味鱸魚- 越光米飯，雪濃牛骨湯，鳳梨冰茶（加$18）因為想試下呢度嘅牛肉，所以揀左呢個smile盛合，成份套餐嘅肉類份量好多，平均有5至6塊，牛肉整體質素好好，食落鮮甜軟嫰多汁，最深印象係佢嘅牛橫隔膜，肉質結實有嚼勁。而海鮮類就食唔到雪味，最特別嘅係鮮味鱸魚，呢塊鱸魚係厚切上碟，燒完魚油香味四溢，加埋燒得脆卜卜嘅魚皮，食得好滿足。飲品加左$18要鳳梨冰茶，鍾意佢入口唔太甜，仲有好多寒天勁有口感。海陸豚特盛套餐 （$128）- 日式麻油椒鹽- 豚五花，厚切梅花豚排，鮮味鱸魚，鮮蝦，鮮魷魚，現流冷藏雞腿- 越光米飯，濟州海帶豆腐湯，冬瓜檸檬（加$13）呢個套餐肉嘅份量同smile套餐一樣咁多，因為揀左日式麻油椒鹽做醃料，所以啲豚肉食落都幾惹味，豚肉燒完唔會好乾，仲會食到有肉汁喺裡面，而雞腿肉就好新鮮有彈性。碗海帶豆
門口睇左menu，發現呢間餐廳嘅盛合套餐都包左好多野食，CP值爆燈，最後我地揀左食smile盛合套餐同海陸豚特盛套餐。
smile盛合套餐（$138）
- 和風醬燒
- 牛五花，牛橫隔膜，豚五花，鮮蝦，鮮魷魚，鮮味鱸魚
- 越光米飯，雪濃牛骨湯，鳳梨冰茶（加$18）
因為想試下呢度嘅牛肉，所以揀左呢個smile盛合，成份套餐嘅肉類份量好多，平均有5至6塊，牛肉整體質素好好，食落鮮甜軟嫰多汁，最深印象係佢嘅牛橫隔膜，肉質結實有嚼勁。而海鮮類就食唔到雪味，最特別嘅係鮮味鱸魚，呢塊鱸魚係厚切上碟，燒完魚油香味四溢，加埋燒得脆卜卜嘅魚皮，食得好滿足。飲品加左$18要鳳梨冰茶，鍾意佢入口唔太甜，仲有好多寒天勁有口感。
海陸豚特盛套餐 （$128）
- 日式麻油椒鹽
- 豚五花，厚切梅花豚排，鮮味鱸魚，鮮蝦，鮮魷魚，現流冷藏雞腿
- 越光米飯，濟州海帶豆腐湯，冬瓜檸檬（加$13）
呢個套餐肉嘅份量同smile套餐一樣咁多，因為揀左日式麻油椒鹽做醃料，所以啲豚肉食落都幾惹味，豚肉燒完唔會好乾，仲會食到有肉汁喺裡面，而雞腿肉就好新鮮有彈性。
碗海帶豆腐湯就相對牛骨湯清新，兩個餐都揀跟越光米飯，因為鍾意佢嘅米粒黏性較強，亦都較有口感，同埋飯上面係有飯素配埋一齊食，味道豐富左好多。
見到個伊比利黑豚好似幾吸引，所以都散叫埋嚟試下，肉味夠同燒完好香。
食燒肉餐廳最驚佢抽氣做得唔好，呢間燒肉smile就完全冇呢個問題，加埋佢冷氣好勁，我地食完發覺成身都冇燒肉味，臨走睇到佢原來平日午餐最平只係$58，下次要閒日再嚟試下。
張貼
