泰玖 (已結業)

餐廳坐位唔多，底層以bar枱為主，格局好似日式拉麵店，上層亦設有座位， 偶爾需要等下位。泰式豬肉濃湯船麵上枱第一個感覺就係餸好多，豬肉丸有三粒，肥豬肉有五片，再黎一堆炸豬皮同通菜菜梗。湯頭幾濃下，麵條掛汁能力高，食多幾啖會覺得好鹹。豬皮酥脆可口。肥豬肉又肥又香，可惜小弟嫌佢肥過頭 ， 瘦肉比例多返啲會更加好。另外加咗18蚊要多碟通菜。 同船麵裏面附送嘅通菜唔同，呢碟通菜主要係嫩葉為主，冇乜菜梗，食落冇乜渣，幾好食。食飽飲啖檸檬香茅茶， 消滯一流。 埋單都係70蚊左右，cp值幾高， 值得一試。