8
《芝士波菜配烤包》（Saag Paneer) $98
呢個系經典嘅印度素菜，波菜再加洋蔥、香料等打成蓉，食落唔會太草青味，亦唔會太heavy，加埋超淡味嘅印式芝士，增加口感。佢哋嘅naan，烤得好軟熟，而且唔油，用黎點芝士波菜真系一流！
《串燒雞咖哩配烤包》(Chicken Tikka Masala) $98
印度嘅燒雞一向偏乾，但每塊雞肉配埋Masala醬汁，就變得好惹味，Masala醬汁濃郁又香，辣辣地，配上埋naan一齊食真係絕配！
深井咖哩寶嘅印度菜正唔正宗，我就唔太知道，因為無去過印度。不過餐廳嘅芝士波菜同串燒雞咖哩味道唔錯，份量多，而且唔油，食完唔會濟住濟住，而且環境舒適，位置闊落。
