Coffeelin (高街) (已結業)

又到週末，今日約咗女朋友嚟西環慢活。先來個慢活嘅早餐，行行吓街見到呢間Cafe幾靚，朝早又唔會坐爆。即管試吓。內籠幾靚又舒服，有好多同咖啡有關嘅書可以俾大家睇，唔錯。我哋叫咗個pour over，揀左隻ethiopia嘅豆。咖啡師會俾我哋先聞吓未磨嘅豆、磨好嘅，同埋沖好之後嘅咖啡味道，等大家有完整嘅嗅覺體驗。咖啡飲落有種好特別嘅茶味，熱嘅時候先苦，涼嘅時候又會酸返少少。充滿層次。我哋再叫個檸檬蛋糕，個底都烘香左，裏面嘅鬆軟~ 跟住黎杯flat white，飲落咖啡同奶味都平衡，層泡就有啲厚，不過整體唔錯。早餐嘅重點黎啦，就係panini裏面有ham, salami, cheese等，而且層麵包皮好脆添。正呀推介大家早餐嘅時候黎，慢慢食，睇吓書，思考下自己，又同另一半傾吓計咁。擺低電話，活在當下。