Hans Bar and Restaurant

營業中

休息中

終於到星期五，忙完一個星期梗係要約返朋友仔飲酒吹吓水， Recharge返自己啦！呢酒吧位於尖沙咀，位置好方便，同朋友仔行咗一陣之後想食啲嘢飲啲酒，就決定試一次呢間！意大利雲吞配白松露油雜菇醬🍄白松露油好香，同啲蘑菇醬都好夾，雲吞細細粒，咬落煙煙韌韌，又會崩發出松露嘅香味！不錯！泡菜鴨肝多士🍞呢個超級好味！多士好脆身，上面嘅鴨肝芳香四溢，入口即化，最上面會擺左少少泡菜去中和左鴨肝嘅油脂，所以食落一啲都唔會覺得跩！呢個做佐酒小食超級Perfect ！避風塘炸薯條🥔薯條又係飲嘢最適合嘅小食之一，薯條都好特別，佢上面嘅粉係避風塘炒蟹嗰啲粉，鹹鹹粒粒，好惹味，呢個combination好夾！蛋撻 tart-too🍸呢杯個人覺得係desert wine，上面嘅泡泡好重蛋香，又好綿密，base比較甜，有少少飲Bailey's既感覺，層次豐富，果然係signature既飲品！secret menu cocktail🍹呢杯比上面個杯好不同！上面泡沫一樣係綿密細軟，蛋香味稍微冇上面咁重，base就比較清淡啲，酒味比較出，唔鍾意甜既人會比較喜歡呢杯！呢間餐廳坐得好舒服，裝修又好chill好有格調，而且Se