I Leisure (已結業)

喺繁忙既北京到有一間非常多好評既樓上餐廳呢度主打係海鮮袋，睇到試過既人都幾讚賞個質素，所以特登黎試下上到黎原來係一間酒吧，裝修幾有格調，仲有beer pong同飛鏢機俾客玩餐廳既海鮮袋有好多款選擇，豐儉由人，我地揀左5款海鮮既組合如果想食好d仲可以額外加高級龍蝦之類我地個組合有大蜆，青口，蝦，帶子同鮑魚。餐廳寫明係新鮮海鮮，食落去都好彈牙，應該係新鮮貨呀。至於配菜就有粟米同埋珍寶腸。點員上海鮮袋既時候仲會幫你shake多幾下，等所有海鮮都均勻食到餐廳特質醬汁。醬汁好香牛油同蒜味食落又香又辣，味道同貝類海鮮非常夾。鍾意食辣既話仲可以叫中辣大辣，不過我怕太辣會遮左海鮮原味，淨係揀左小辣。除此之外，我地亦都點左蜜糖火焰雞翼。上菜時店員會點著d酒再淋上雞翼上面，令到雞翼有淡淡既酒香，又滿足食客打卡既慾望。雞翼份量十足有8大隻，岩曬我呢d雞翼控。雞翼咬落香脆，除左酒香，仲有香甜既蜜糖味。啖啖肉好滿足。招牌龍蝦包用上全隻波士頓龍蝦，一大個龍蝦頭證明足料。烘過既麵包包住好多龍蝦肉，配上飛魚子沙律醬，仲有生菜番茄等等既配菜，口感豐富。仲有份量非常多既熱辣辣薯條，又香又脆。