影片
更多
2022-03-23
2962 瀏覽
假期最後一日一定要出去搵好嘢食，Ninety’s 已經book mark咗好耐，都係非常人氣嘅餐廳，今朝早早就嚟到位於尖沙咀星光行誠品裏面嘅分店，希望可以坐到窗口位，餐廳開10am 我10:15到，已經有兩台客人坐咗係窗口位，好彩仲有位俾我，遲多10分鐘就冇喇。今日雖然天氣好差，外面一直落雨，不過能夠坐到窗口位，呆呆望住出面街，食Brunch食足兩個鐘頭，無無聊聊都係一件快樂嘅事。介紹吓呢度嘅Brunch Board 有4-6 Sides 可以選擇，價錢由$128～$188，貴價食材是額外需要加錢，麵包有四款可以揀，仲係無限refill，對於麵包控嘅我就最開心，我咁為食當然係揀咗6 sides ▪️Brunch Board 6 Sides $ 283🍞▪️Bakery 麵包~Lemon Danish Loaf Bread 檸檬丹麥麵包~Sourdough 酸種包~Mixed Seed Whole Wheat Bread 混合種子麥包基本上所有麵包都非常好食，都係即刻烘同埋已經搽咗牛油，三隻麵包當中我最喜歡檸檬丹麥麵包好鬆脆帶點點檸檬香，另外酸種包一向係我嘅心頭好，鍾意佢特有嘅味道同埋好煙靭
假期最後一日一定要出去搵好嘢食，Ninety’s 已經book mark咗好耐，都係非常人氣嘅餐廳，今朝早早就嚟到位於尖沙咀星光行誠品裏面嘅分店，希望可以坐到窗口位，餐廳開10am 我10:15到，已經有兩台客人坐咗係窗口位，好彩仲有位俾我，遲多10分鐘就冇喇。
今日雖然天氣好差，外面一直落雨，不過能夠坐到窗口位，呆呆望住出面街，食Brunch食足兩個鐘頭，無無聊聊都係一件快樂嘅事。
介紹吓呢度嘅Brunch Board 有4-6 Sides 可以選擇，價錢由$128～$188，貴價食材是額外需要加錢，麵包有四款可以揀，仲係無限refill，對於麵包控嘅我就最開心，我咁為食當然係揀咗6 sides
▪️Brunch Board 6 Sides $ 283
🍞▪️Bakery 麵包
~Lemon Danish Loaf Bread 檸檬丹麥麵包
~Sourdough 酸種包
~Mixed Seed Whole Wheat Bread 混合種子麥包
基本上所有麵包都非常好食，都係即刻烘同埋已經搽咗牛油，三隻麵包當中我最喜歡檸檬丹麥麵包好鬆脆帶點點檸檬香，另外酸種包一向係我嘅心頭好，鍾意佢特有嘅味道同埋好煙靭，麥包都相當唔錯，有粒粒嘅種子好有口感。
🍽▪️6 Sides
🥚~Black Truffle Scrambled Eggs 黑松露炒蛋
好大份嘅一個炒蛋，炒得好滑，加咗黑松露醬
非常香濃嘅味道，配上炒蛋係絕配
🌽~Fried Polenta 炸粟米餅
口感比較特別嘅粟米餅，初初我見到炸以為係脆嘅，實物原來係好似粟米糕咁，底部既醬汁係好似茄汁咁，幾得意幾特別
🥑🍓~Strawberry avocado salad
士多啤梨牛油果沙律
最鍾意呢個配搭，簡單新鮮就是美味，牛油果打成醬好滑有點點檸檬香，加埋新鮮嘅士多啤梨，冇得輸嘅配搭
🧀~Burrata cheese 布拉塔芝士
我是芝士控，最鍾意食呢隻芝士，新鮮水牛芝士加咗少少橄欖油少少海鹽已經超級好食，呢度仲要加咗少少金箔喺面頭，同埋食到係帶有少少甜甜地，為芝士增添味道，超級鍾意
🍧~Mousse coconut yogurt 椰子慕絲乳酪
呢個乳酪簡直係驚喜，一食落去有好濃嘅椰子香，酸酸甜甜，乳酪質感同一般唔同，就如佢個名所講，喺Mousse 咁，食落口就好似一陣風咁，但係味道好濃厚，面頭鋪咗一嚿細細嘅麥芽糖同埋食用花，又靚又好味😋
🥙~Homemade Salmon Rillettes 自製三文魚醬
三文魚醬食到好香嘅香草同埋洋蔥味，三文魚仲一啲都唔腥，而且醬做得好幼滑但又仍然保留有粒粒三文魚嘅口感，用嚟查麵包一流
☕️▪️Flat White Fruity $ 42
非常高質素嘅一杯咖啡，首先拉花令人開心，咖啡旁邊配上幾粒杏仁，咖啡師說先食杏仁再飲咖啡，會令到咖啡嘅味道更加突出，果然咖啡底味更加濃厚👍🏻
✨特別想一提嘅係店員非常Friendly
不停會留意住你有啲咩需要，另外會
問你夠唔夠飽需唔需要添加麵包，非
好的服務態度。
張貼
