J.moon

放工同朋友想chill 住飲返杯食個飯，醒起旺角J.moon ，呢度環境好relax, 燈色柔和，懸吊住好多波波燈，幾靚幾浪漫🤭 戶外花園仲有休閒藤桌椅，啱哂輕酌談心，除咗環境唔錯，食物質素都好一流👍🏻French Fries with Truffle Mayonnaise $68薯條炸得好脆，好乾身，一啲都唔油，灑上辣粉，就算唔點醬都好好味，點埋隻黑松露醬，冇得頂👍🏻Scallop Fettuccine with White and Black Truffle Sauce $148煎帶子火喉掌握好掂，表面煎到少少金黃香脆，入面勁嫩！寬意粉有咬口，軟硬適中，每一口都有黑白松露醬汁，好正🤤Prawns and Salmon Roe Risotto with Sea Urchin Sauce $148Risotto 飯底煙韌唔硬，被濃郁嘅海膽醬重重包圍😆香氣撲鼻，鮮甜唔腥，味濃而唔鹹大蝦好爽口彈牙，加埋三文魚籽脆口多汁，好食程度再昇華👍🏻Nyonya Curry Baked Beef Tongue $82呢個咖喱牛舌超出色，厚切而煮得好稔，用匙羹輕輕力已可切斷，用煎pan 熱住上菜，啲芝士