影片
更多
2021-05-31
34 瀏覽
Sayam Thai & Bar同朋友去銅鑼灣行街，發現咗呢間好chill 嘅泰國餐廳，餐廳嘅設計好高級，前邊有一個酒吧區，成個場設計好時尚，而且窗旁擺放新鮮百合花，餐具以藍色為主，每張枱放有蠟燭🕯️好有燭光晚餐嘅感覺。燒魷魚沙律$154好新鮮爽脆嘅魷魚，配有洋蔥同小蕃茄，用泰式汁去撈勻，開胃，唔會太辣。燒鱔$136/3pcs好肥美，外皮燒到脆香，冇加鹽唔會好鹹，加咗少少嘅調味粉，完全發揮到魚嘅鮮味，而且啲肉質好鮮嫩。燒海鱸魚$274分糧好充足好大條，魚肚裏面有香草、芹菜、大姜、大蔥，原條用鹽去燒烤，好正宗嘅泰式燒烤方法，揭開裏面魚肉滑到不得了，好甜，可以點泰式醬食。燒菠蘿炒飯$128飯用咗提子乾、蛋碎、青豆，然後用輕微咖喱粉去炒，炒出嚟好香口，食落仲有提子乾嘅甜味，旁邊配有腰果、臘腸切片、肉鬆、燒菠蘿，上面鋪有大蝦🍤可以食兩大碗。椰青$48原隻椰青裏面好多椰肉，選料上乘，椰青好甜。龍眼冰 $48自家製嘅龍眼冰比較清香，帶有有淡淡的龍眼香味。整體而言非常出色，比一般嘅泰國餐廳更加高檔次，環境舒適優雅，播住英文歌，氣氛好好，食物嘅材料非常優質，服務員全部都係講英文，而且仲好Nice好友善，
同朋友去銅鑼灣行街，發現咗呢間好chill 嘅泰國餐廳，餐廳嘅設計好高級，前邊有一個酒吧區，成個場設計好時尚，而且窗旁擺放新鮮百合花，餐具以藍色為主，每張枱放有蠟燭🕯️好有燭光晚餐嘅感覺。
燒魷魚沙律$154
好新鮮爽脆嘅魷魚，配有洋蔥同小蕃茄，用泰式汁去撈勻，開胃，唔會太辣。
燒鱔$136/3pcs
好肥美，外皮燒到脆香，冇加鹽唔會好鹹，加咗少少嘅調味粉，完全發揮到魚嘅鮮味，而且啲肉質好鮮嫩。
燒海鱸魚$274
分糧好充足好大條，魚肚裏面有香草、芹菜、大姜、大蔥，原條用鹽去燒烤，好正宗嘅泰式燒烤方法，揭開裏面魚肉滑到不得了，好甜，可以點泰式醬食。
燒菠蘿炒飯$128
飯用咗提子乾、蛋碎、青豆，然後用輕微咖喱粉去炒，炒出嚟好香口，食落仲有提子乾嘅甜味，旁邊配有腰果、臘腸切片、肉鬆、燒菠蘿，上面鋪有大蝦🍤可以食兩大碗。
椰青$48
原隻椰青裏面好多椰肉，選料上乘，椰青好甜。
龍眼冰 $48
自家製嘅龍眼冰比較清香，帶有有淡淡的龍眼香味。
整體而言非常出色，比一般嘅泰國餐廳更加高檔次，環境舒適優雅，播住英文歌，氣氛好好，食物嘅材料非常優質，服務員全部都係講英文，而且仲好Nice好友善，所以CP值好高。
張貼
