凡直友里

營業中

休息中

兩個人喺元朗唔知食咩好，行行吓見到依間吧幾chill幾有情調，見Menu都唔少野揀，就走入入去試吓。睇完Menu見到選擇好多，咁兩個人叫左兩個set dinner。法式奶油焗蟹肉，蟹肉同奶油個份量比例啱啱好，每一啖食落去都食到兩種味，蟹肉嘅味真係好濃，依個前菜真係冇得輸！吞拿魚他他脆多士，估唔到塊多士加吞拿魚又幾好食，仲要有啲沙律喺旁邊唔會咁dry，成件事都唔錯，好開胃。南瓜湯，南瓜味都幾重，又係好濃好好味！龍蝦湯，依個係要加$40嘅，但係好想試就叫咗，咁龍蝦味真係好龍好突出，真係好正，好彩有叫。香烤羊扒配薯菜，個羊扒要咗七成熟，食落去一啲都唔蘇，煎得啱啱好，好香，好好食。香烤阿根廷草飼安格斯西冷牛扒配薯菜，塊西冷要咗五成熟，切落去唔會太生真係五成熟！本身塊牛都靚食落好香，好好味！煎得啱啱好鎖到肉汁，真係一流。Japanese martini, white sangria，食嘢又邊可以唔飲嘢呢，依兩杯都唔錯酒精都幾高，甜甜地都幾正。