影片
更多
2022-07-02
1332 瀏覽
【Background】盼望已久嘅長假期終於黎臨，一唸到係黃金海岸酒店3日嘅Staycation就特別興奮🤣 下午Check in 後，沿住海濱行去商場附近，見到呢間「星小宴」中菜廳，環境優美，更分為室內室外兩Part，室內以中菜為主，室外供應炭火串燒/雞煲/打邊爐等，望落都好吸引下😍────────────────────【餐前小食】.【餐牌】【炭火串燒 $18/$24/$20/串】不同一般於一般串燒，係以DIY形式去燒，鐵板下裝滿炭火，自己想點燒都得🤣仲有燒烤汁，海鹽，生油，蒜香粉，孜然粉，辣椒粉等調味料添😆揀左：肥牛串，羊肉串，雞肉串，雞皮串，雞腎串，雞軟骨串，單骨雞翼串，菠蘿串其中最推薦：1. 羊肉串：肉味醇厚，肉嫩多汁，更冇羶味，建議加孜然粉，辣椒粉，海鹽2. 雞皮串：食落卜卜脆，灑上辣椒粉，更香口.【招牌酸菜滑魚片 $238】勁大一鍋酸菜魚，3~4人都夠食😂 魚片肉厚度適中，肉質嫩滑鮮美，配合住酸辣又麻香嘅鮮魚湯，就咁食或送飯都係一流👍仲有大量酸菜，芽菜，木耳，特別係盡吸湯汁嘅寛粉，入口彈牙煙韌，極之惹味😘.【冰鎮菠蘿咕嚕肉 $168】菠蘿承載住咕嚕肉，彩椒，菠蘿等，加上冰
盼望已久嘅長假期終於黎臨，一唸到係黃金海岸酒店3日嘅Staycation就特別興奮🤣 下午Check in 後，沿住海濱行去商場附近，見到呢間「星小宴」中菜廳，環境優美，更分為室內室外兩Part，室內以中菜為主，室外供應炭火串燒/雞煲/打邊爐等，望落都好吸引下😍
────────────────────
【餐前小食】
.
【餐牌】
【炭火串燒 $18/$24/$20/串】
不同一般於一般串燒，係以DIY形式去燒，鐵板下裝滿炭火，自己想點燒都得🤣仲有燒烤汁，海鹽，生油，蒜香粉，孜然粉，辣椒粉等調味料添😆
揀左：肥牛串，羊肉串，雞肉串，雞皮串，雞腎串，雞軟骨串，單骨雞翼串，菠蘿串
其中最推薦：
1. 羊肉串：肉味醇厚，肉嫩多汁，更冇羶味，建議加孜然粉，辣椒粉，海鹽
2. 雞皮串：食落卜卜脆，灑上辣椒粉，更香口
.
【招牌酸菜滑魚片 $238】
勁大一鍋酸菜魚，3~4人都夠食😂 魚片肉厚度適中，肉質嫩滑鮮美，配合住酸辣又麻香嘅鮮魚湯，就咁食或送飯都係一流👍仲有大量酸菜，芽菜，木耳，特別係盡吸湯汁嘅寛粉，入口彈牙煙韌，極之惹味😘
.
【冰鎮菠蘿咕嚕肉 $168】
菠蘿承載住咕嚕肉，彩椒，菠蘿等，加上冰底，咕嚕肉7分瘦3分脆，外層酥脆，整體味道酸酸甜甜，又涼浸浸，開胃又消暑😘
.
【上湯杞子瑤柱浸時蔬 $108】
菜心清脆爽口不油膩，表面鋪滿瑤柱增加鮮味，更加入杞子做點䮕呢😎
.
【Remark】
✔️ 加一服務費
張貼
