8Five2 Restobar

營業中

休息中

平時都好少食墨西哥菜，今日出街食飯就揀咗哩間黎試下。餐廳燈光暗少少，裝修就酒吧風，感覺都幾chill。脆蝦牛油果玉米餅Taco餅皮夾住牛油果，同埋一隻炸過嘅大蝦，肉質都幾紮實彈牙，配埋少少洋葱，第一啖入口都有少少辣，好惹味。水牛城牛肉墨西哥餡餅內餡方面雖然中文譯係水牛城牛肉，但食落就唔辣嘅，反而有啲似手撕豬嘅感覺，加埋熱融芝士同埋烤得口感薄脆嘅餅皮，配埋牛油果醬、蕃茄莎莎醬同酸忌廉，好食！牛油果醬配墨西哥玉米片口痕想食下多力滋，所以嗌咗碟sides。都唔細碟，食下食下都好多塊下。白酒煮蜆成餐都齋食餅皮類可能會乾少少，嗌埋碟蜆中和番就啱啱好。蜆嘅份量都唔少，煮得入味但唔會過熟，肉質飽滿無沙。侍應態度唔錯有笑容，坐都得舒服。餐廳有戶外室內位，但夏天坐戶外嘅話就應該會熱咗少少，冬天就無所謂喇。